ABŞ-la İsrail artıq Yaxın Şərqdə uduzublar.
Bu sözləri "Ulusal” televiziyasına müsahibəsində Türkiyənin Vətən Partiyasının sədri Doğu Perinçək söyləyib.
"Cənubumuzda dövlətlər birləşir. Yeni dünya qurulur. Bölgədə ABŞ-la İsrail uduzub. ABŞ-ın Yaxın Şərqdə məzhəb savaşları yaratmaq istəyi baş tutmadı. Türkiyə zamanında İraq Kürd Muxtariyyəti ilə bağlı lazımlı addımları atsaydı, referendumun qarşısını ala bilərdi. Biz aylar əvvəl hökumətə xəbərdarlıq etmişdik”, – deyə o bildirib.
Perinçək çıxışı zamanı Milliyətçi Hərəkat Partiyasının rəhbəri Dövlət Baxçalının Kərkük açıqlamasına da diqqət yetirib:
"Baxçalının Kərkük-Mosul açıqlaması son dərəcə yanlışdır. "Kərkükü 82-ci, Mosulu 83-cü vilayətimiz edəcəyik” demək Diyarbəkiri itirməyimizlə nəticələnəcək. Kərküklə Mosulu necə alacaqsan? Bunu etməklə İraqla İranı hədəf almış olacaqsan. İraqı, İranı, Suriyanı özünə düşmən etməklə ABŞ-ın tələsinə düşəcəksən və nəticədə Diyarbəkiri də itirəcəksən”.(Axar.az)

Xəbərdən istifadə edərkən istinad etmək vacibdir.