"Sputnik Ermənistan” agentliyinin rəhbəri Dmitri Pisarenko öz arxivindən 1999-cu il oktyabrın 11-də Sədərək rayonunda Ermənistan Prezidenti Serj Sərkisyanla Azərbaycan Prezidenti Heydər Əliyev arasında baş tutan görüşün yeni görüntülərini yayıb.
Bu, tərəflər arasında sərhəddə baş tutan ilk görüş idi. Belə ki, Azərbaycanın Ümummilli Liderindən daha öncə görüş yerinə gələn Köçəryan Heydər Əliyevi müəyyən müddət gözləməli olur. Görüşə gecikən Heydər Əliyev üzrxahlığını ifadə edərək, Sədərəkdə çoxdan olmadığını, keçdiyi hər kənddə məcburi dayanmalı və yüksək səviyyəli qonağın gəlişi şərəfi ilə ayağının altında qurban kəsən əhali ilə görüşməli olduğunu bildirir. Buna cavabında Köçəryan Əliyevdən burda da qurban kəsilib-kəsilməyəcəyini soruşanda isə Prezident Heydər Əliyev Qarabağ konfliktinin həll olunduğu gün məhz burda – Naxçıvanda kabab çəkiləcəyini söz verir.
Sədərəkdə təşkil olunan görüşdə Azərbaycanın hazırkı prezidenti İlham Əliyev də iştirak edib.
Qeyd edək ki, bu görüşdə Ermənistan Silahlı Qüvvələrinin işğal etdiyi 7 rayondan qeyd-şərtsiz çıxması barədə razılıq əldə olunur. Ermənistanın o vaxtkı rəhbərliyi Rusiyadan icazə almadan bu qərarı qəbul etmək istəklərini ortaya qoyurlar. Lakin görüşdən cəmi 16 gün sonra – 27 oktyabrda Ermənistan parlamentində terakt baş tutur və Qarabağ razılaşması ləğv edilir. Sözügedən teraktın arxasında Rusiya xüsusi xidmət orqanlarının dayandığı barədə erməni analitiklər ciddi ittihamlar irəli sürürlər.

Xəbərdən istifadə edərkən istinad etmək vacibdir.