Ermənistanın baş nazir vəzifəsi ətrafında yaranan intiriqa demək olar ki, həll edilib.
Bu iddia ilə "Qraparak” qəzeti çıxış edib.
"Rusiyalı milyarder Samvel Karapetyan artıq Baş nazir Karen Karapetyanla məsləhətləşmə aparıb. Hər iki tərəf Ermənistanın təhlükəsizliyi, eləcə də Qarabağ məsələsində razılığa gələrək, baş nazir vəzifəsinə Serj Sərkisyanın təyin olunmasının doğru olacağı qənaətinə gəliblər. Onların fikrincə, Karen Karapetyan üçün İlham Əliyevlə danışıqlar aparmaq çox çətin olacaq və buna görə də onun üzərinə belə yükün qoyulması doğru olmazdı. Serj Sərkisyana baş nazir olmasını Karen Karapetyanın özünün təklif etməsi gözlənilir. Onun bu təklifi nə vaxt edəcəyi hələlik bilinmir”, – deyə məqalədə bildirilib.(Axar.az)

Xəbərdən istifadə edərkən istinad etmək vacibdir.