Xəbər verdiyimiz kimi, Azərbaycan Respublikasının Birinci vitse-prezidentinə yeni köməkçi təyin edilib. Gündüz Kərimov Birinci vitse-prezidentin 4-cü köməkçisidir.
Xeberle.com-un qafqazinfo.az-a istinadən məlumatına görə, Gündüz Hacı oğlu Kərimov 1977-ci ildə Qazax şəhərində anadan olub.
O, həmçinin  2013-cü il mart ayında Amerika Ticarət Palatasının (AMCHAM) Direktorlar şöbəsinin üzvü seçilib. "Baker McKenzie” şirkətinin Bakı ofisinin və Birləşmiş Ərəb Əmirliklərinin Əqli Mülkiyyət Təcrübə Qrupunun rəhbəri vəzifəsində çalışıb. Mübahisələrin həlli, Əqli Mülkiyyət və Səhiyyə təcrübəsi qruplarının üzvüdür. G.Kərimov Beynəlxalq Qızıl Xaç Komitəsinin Bakı nümayəndəliyində çalışıb. 
2011-2014-cü illərdə Bakı Dövlət Universitetinin Hüquq fakültəsinin dekan müavini vəzifəsini tutub.
Hazırda isə  Bakı Dövlət Universitetinin Mülki Prosessual və Ticarət Hüquqları şöbəsində dosentdir.
Evlidir, iki övladı var.

Xəbərdən istifadə edərkən istinad etmək vacibdir.