Moskvada Rusiya prezidentliyinə namizəd Vladimir Putinə dəstək aksiyası keçirilib. Xeberle.com bildirir ki, APA-nın Moskva müxbirinin verdiyi məlumata görə, "Lujniki" stadionunda keçirilən dəstək aksiyasında 80 mindən çox insan iştirak edib.
 
Aksiyaya Rusiya prezidenti Vladimir Putin özü də qatılıb. O, tribunada ölkənin nüfuzlu elm, incəsənət, idman adamları ilə birlikdə dövlət himnini ifa edib.
 
Daha sonra çıxış edən Vladimir Putin ona dəstək verən hər kəsə təşəkkürünü bildirib.

 
Rusiya prezidentliyinə namizəd Vladimir Putinə dəstək askiyası konsert proqramı ilə davam etdirilib.
 
Qeyd edək ki, martın 18-də rusiyada prezident seçkiləri keçiriləcək. Növbəti 6 il üçün prezident postu uğrunda hazırki prezident Vladimir Putinlə yanaşı, daha 7 namizəd- Kommunist Partiyasının namizədi Pavel Qrudinin, Liberal Demokrat Partiyasından olan namizəd Vladimir Jirinovski, Rusiya Ümumxalq İttifaqı partiyasının namizədi Sergey Baburin, "Vətəndaş təşəbbüsü" partiyasının namizədi, tanınmış telejurnalist Kseniya Sobçak, "Rusiya Kommunistləri" partiyasının namizədi Maksim Suraykin, Biznes-ombudsmen Boris Titov və "Yabloko" partiyasının qurucusu Qriqori Yavlinski mübarizə aparacaqlar.

Xəbərdən istifadə edərkən istinad etmək vacibdir.