O hakimiyyətə öz dəstəsi ilə gəlsə də, onların parlamentdə say çoxluğu olmadığına görə imkanları məhduddur”. Bu sözləri Xeberle.com-a açıqlamasında Azərbaycanın sabiq xarici işlər naziri Tofiq Zülfüqarov Ermənistanın baş naziri Nikol Paşinyanın Rusiya prezidenti Vladimir Putinlə olan görüşü ilə bağlı müsahibəsinə fikir bildirərkən qeyd edib.

Onun sözlərinə görə, N.Paşinyan özünün əsas silahından – populizmdən istifadə etməyə çalışır: "Xüsusən də N.Paşinyana elə bir təəssürat yaratmaq lazımdır ki, o, doğrudan da təcrübəli siyasətçidir, danışıqlar aparır və hamı onu ciddi şəkildə qəbul edir. Buna görə də, bu cür populist bəyanatlar yayması hesab edirəm ki, onun gücünü yox, sadəcə olaraq zəifliyini əks etdirir. Azərbaycan uzun müddətdir ki, Rusiyadan silah alır və Ermənistanın N.Paşinyandan qabaqkı rəhbərliyi də bu məsələni daim qaldırıb. Təbii ki, N.Paşinyanın bir görüşdə silahlarla bağlı Putinlə danışıqlar apardığını və hansısa cavabları aldığını deməsi populizmdən başqa bir şey deyil”.

Qeyd edək ki, N.Paşinyan öz müsahibəsində "V.Putinlə danışıqlar zamanı Rusiyanın Azərbaycana silah verməsi mövzusuna toxundunuzmu" sualına cavab olaraq "bizim bu məsələ ilə bağlı konstruktiv danışıqlarımız oldu, amma Putinin bu barədə nə dediyini deyə bilmərəm” cavabını verib.