Türk siyasətçilərin hər açıqlamasını müzakirə edirsiniz, ancaq heç bir zaman Avropa tərəfinin mövqeyini sorğulamırsınız.
Bu sözləri Türkiyənin Xarici İşlər naziri Mövlud Çavuşoğlu alman televiziyasında yayımlanan "Konflikt Zonası” proqramında çıxışı zamanı deyib.
"Biz Avropanın bir parçasıyıq, xaricində deyilik. Bəyənsəniz də, bəyənməsəniz də Avropanın parçasıyıq”, - Çavuşoğlu bildirib.
Daha sonra XİN rəhbəri ona sual ünvanlayan aparıcının tez-tez sözünü kəsməsinə sərt reaksiya verib:
"Xahiş edirəm, sözümü kəsməyin, danışmağıma icazə verin. Danışmağa imkan vermirsiniz. Sualı verirsiniz, ilk cümlədən sonra sözümü kəsirsiniz və məndən daha çox şərh verirsiniz”. (Axar.az)

Xəbərdən istifadə edərkən istinad etmək vacibdir.