Azərbaycan Cənubi Sudan Respublikasına hərbi heyət göndərir.
Xeberle.com xəbər verir ki, Milli Məclisin bu gün kerçirilən plenar iclasında Azərbaycan Ordusunun 4 nəfərdən ibarət hərbi heyətinin "qərargah zabit" və "hərbi müşahidəçi" qismində UNMİSS-in komandanlığı altında Cənubi Sudan Respublikasında yerləşdirilməsinə və missiyada iştirak etməsinə razılıq verilməsi haqqında layihə müzakirəyə çıxarılıb.
Layihə səsə qoyularaq qəbul edilib.
Qeyd edək ki, daha öncə Müdafiə Nazirliyinin mətbuat xidmətindən Trend-ə verilən məlumatda bildirilmişdi ki, Birləşmiş Millətlər Təşkilatının (BMT) mandatı altında Cənubi Sudanda həyata keçirilən beynəlxalq missiyada Azərbaycan sülhməramlılarının iştirakı planlaşdırılır.
Hərbi qulluqçularımızın 2019-cu ilin yanvar ayında Cənubi Sudanın paytaxtı Cuba şəhərinə ezam olunması nəzərdə tutulub.
Xəbərdən istifadə edərkən istinad etmək vacibdir.
