H.Abutalıbovla görüşdə prezident deyib: "Ancaq həyat yerində durmur, qarşıya yeni vəzifələr qoyulur, yeni çağırışlar qarşımızda durur. Yaşınız da artıq 75-i keçibdir və əlbəttə ki, daha gənc nəslə yol vermək lazımdır.

Ona görə sizin ərizə ilə mənə müraciətinizi yüksək qiymətləndirirəm. Hesab edirəm ki, pensiya yaşına çatmış, hər halda 70 yaşını keçən iqtidarda təmsil olunanlar da yəqin ki, sizin nümunənizi təkrar edəcəklər.

Yüksək ranqlı məmurlarla yanaşı ölkənin regionlarında illərdi at oynadan, rəhbər olduğu rayonda kiçik padşahlıq yaradan və pensiya yaşını çoxdan keçmiş icra başçılarının olduğunu görürük.

Xeberle.com mövzunun aktuallığını nəzərə alaraq həmin icra başçılarının siyahısını təqdim edir:

Məmməd Məmmədov - Tovuz Rayon İcra Hakimiyyətinin başçısıdır.70 yaşlı M. Məmmədovun Tovuza il yarımdır ki, rəhbərlik edir.

Mübariz Əhmədzadə - Zaqatala Rayon İcra Hakimiyyətinin başçısı olan 72 yaş yaşlı M. Əhmədzadə 10 ildir bu vəzifədədir. O, "Meliorasiya və Su Təsərrüfatı” ASC-nin sədri Əhməd Əhmadzadənin qardaşıdır.

Alı Qocayev - Samux Rayon İcra Hakimiyyətinin başçısıdır. 72 yaş olan A. Qocayev 7 ildir Samuxa başçılıq edir.

Şəmsəddin Xanbabayev - Xaçmaz Rayon İcra Hakimiyyətinin başçısıdır. 80 yaşı var və 15 ildir kürsüdədir.

Xədicə Səxavətqızı