"Əsas rəqibim Hicran xanım Hüseynovanı Sumqayıt Olimpiya İdman kompleksində debata çağırıram”.
Xeberle.com xəbər verir
ki, bu barədə 41 saylı Sumqayıt I seçki dairəsindən deputatlığa namizəd
Vasif İsmayıl Feysbuk sosial şəbəkə hesabında status paylaşıb: "Seçki 2
insan arasında gedəcək: Mən və Hicran xanım Hüseynova arasında.
Bir vaxtlar sizin işlədiyiniz qurumda
departament rəisi olmuş Elgun Safarovun dediyinə görə siz siyasi-iqtisad
üzrə ilk azərbaycanlı qadın professorsunuz. Siz məni açıq debatda 2
dəqiqəyə mat eləməlisiniz. Gəlin, açıq debat təşkil edək. 7 Fevralda
Olimpiya İdman kompleksində. Özünüzə güvənin”.
Xatırladaq ki, 41 saylı Sumqayıt I seçki
dairəsindən 14 nəfər namizəd deputat olmaq uğrunda mübarizə aparacaq.
Bu dairədə əsas mübarizənin Vasif İsmayıl və Ailə, Qadın və Uşaq
Problemləri üzrə Dövlət Komitəsinin sədri, bu dairədən YAP-ın namizədi
Hicran Hüseynova arasında gedəcəyi bildirilir.
Xəbərdən istifadə edərkən istinad etmək vacibdir.
