Türkdilli Dövlətlərin Əməkdaşlıq Şurasının (Türk Şurası) Xarici İşlər nazirləri Şurasının növbədənkənar iclasının gündəliyi çox zəngindir.
Xeberle.com xəbər verir ki, bunu iclasın açılışında Azərbaycanın Xarici İşlər naziri Elmar Məmmədyarov deyib.
Nazir bildirib ki, gündəliyə beynəlxalq təşkilatlarla və Türkdilli Dövlətlərin Əməkdaşlıq Şurasının Xarici İşlər Nazirləri Şurasına üzv olmayan ölkələrlə əməkdaşlıq məsələləri daxildir: "Eyni zamanda Şura rəhbərinin quruma üzv ölkələr arasında əməkdaşlığın koordinasiya edilməsi ilə bağlı təklifləri müzakirə olunacaq. İclasda Türk Akademiyasının fəaliyyətinin genişləndirilməsi də diqqət mərkəzində olacaq. Həmçinin ATƏT, Sakit Okean Ölkələri Təşkilatı kimi beynəlxalq təşkilatlarla əməkdaşlığın tənzimlənməsini də müzakirə edəcəyik”.
Xəbərdən istifadə edərkən istinad etmək vacibdir.
