Türkiyə Prezidenti Rəcəb Tayyib Ərdoğanla Rusiya Prezidenti Vladimir Putin arasında İdlibdəki vəziyyəti müzakirə üçün görüş ehtimalı gündəmdədir.
Bunu Kremlin mətbuat katibi Dmitri Peskov açıqlayıb.
Onun sözlərinə görə, liderlərin görüşü üçün hələ ki, dəqiq tarix təyin olunmayıb.
"Bu məsələdə yekun qərar verilməyib. Lakin görüş olması ehtimalını istisna etmirik. Bilirsiniz, Putin və Ərdoğan lazım bildikləri görüşlər məsələsində olduqca sürətli qərar verir”, - Peskov deyib.
Sözçünün fikrincə, iki lider arasındakı son təmaslar İdlibdəki durumla bağlı müəyyən narahatlığın olduğunu ortaya qoyub: "Rəsmi Moskvanın ən böyük narahatlığı İdlibdə terrorçu qruplaşmaların yığılması ilə bağlıdır. Türkiyənin cavabdeh olduğu bölgədə bu terror təşkilatlarının hücumları davam edir. Hücumlar isə Suriya ordusu və Rusiya qüvvələrini hədəf alır”.
Xəbərdən istifadə edərkən istinad etmək vacibdir.
