Azərbaycan Respublikası Milli Məclisinə keçrilən növbədənkənar
seçkilərin təbliğat-təşviqat kampaniyası bitmək
üzrədir.Təbliğat-təşviqat kampaniyası dövründə namizədlərin işi asan
olmasa da, bir sıra namizədin öz işinin öhdəsindən layiqincə gəldiyini
söyləmək olar. Kampaniyanı uğurla başa vuran namizədlərdən biri də 120
saylı Cəbrayıl-Qubadlı seçki dairəsindən deputatlığa namizəd MƏMMƏDOV
ZAUR ƏHMƏD oğlu (ZAUR ƏHMƏD) oldu.
MƏMMƏDOV ZAUR ƏHMƏD oğlunun
namizədliyini irəli sürdüyü dairədən 15 nəfər bu marafona qatılmışdı.
15 nəfər iddiaçını aktiv və passiv namizədlər qrupuna bölsək görərik
ki, onların 70 faizi ikinci bölümə aiddir. Aktiv olanların mübarizəsi
isə 3-5 nəfər arasında aparıldı ki, bu da özü-özlüyündə məhv edilmiş
seçici fəallığının artırılması baxımından çətin və ağır keçdi. Xüsusən
də bitərəf namizədlər üçün. Çünki son 25 ildə sözün həqiqi mənasında
insanların seçkiyə olan ümidi tamamilə məhv edilb.Buna baxmayaraq, seçki
mübarizəsinə qatılan və fəallıq göstərən hər bir namizəd özünəməxsus
seçki marafonu keçirdi. Sözügedən dairədə namizədlər arasında
partiyanın dəstəyinə arxalanaraq, bunun əsasında müəllim, həkim və "JEK”
işçilərini məcburi qaydada görüşə gətirənlərlə bərabər, maliyyə və
inzibati resurslarını işə salıb, seçicinin "BAHALI SƏSİNİ” qazanmaq üçün
"UCUZ” vasitələrdən istifadə edərək, onlara qələm, karandaş, dəftər
payla(yan)lar da oldu. İllərlə ŞƏHİD qapısını açmayanlar, görüntü
yaradıb səs qazanmaq naminə ŞƏHİD evinə bazarlıq edib, orta məktəbdə
oxuyan qız övladının təhsil xərclərini üzərinə götürən də oldu. Hətta
səslərin parçalanmaması naminə bir namizədin digərinin xeyrinə geri
çəkliməsini istəyənlər və şayiə yayanlar da oldu ki, bunlar da seçki
qanunverciliyi ilə təzyiq və qanun pozuntusu hesab edilir. Rəqiblərinin
qanunsuz və ucuz əməllərindən xəbərdar olan Zaur Əhməd əlində olan media
resurslarından onların əleyhinə qətiyyən istifadə etmədi. Əksinə,
onların elektorat yığmaq üçün başqa imkanlarının olmadığını deyib,
yoluna davam etdi...
Zaur Əhməd özünə ƏMİN şəkildə seçki
kampaniyasını rəqiblərindən daha FƏRQLİ, daha DOLĞUN və daha MÖHTƏŞƏM
apardı. O, rəqibləri kimi inzibati və maliyyə resurslarına arxalanmadı.
Seçki məcəlləsinə zidd şirnikləşdirici hədiyyələr vermədi. TAM
QANUNAUYĞUN bir kampaniya apardı. Və seçici ilə namizəd arasında on
illərə dayanan "dəmir pərdə”ni ortadan qaldıra bildi.
Çünki
seçicinin düşüncəsinə yaxın olmağı öz rəqiblərindən daha yaxşı bilən
Zaur Əhməd yarış sahəsinə təkcə mandat qazanmaq üçün deyil, həm də
vətəndaş qazanmaq üçün enmişdi. O, bunu bacardı!!! Hara getdisə, hansı
seçicilə görüşdüsə, sevgi və hərarətlə qarşılandı. Zaur Məmmədov
inzibati və maliyyə resurslarına deyil, öz dünya görüşünə, siyasi
hadisələri çevik formada təhlil etmə qabliyyətinə, ən əsası isə
rəqiblərilə müqayisədə büsbütün azad ruha, azad düşüncə tərzinə
arxalanaraq seçicisinin qarşısına çıxdı. Zaur Əhməd "mənə səs verin sizə
ikra yedizdirəcəm” demədi. Seçki marafonu boyunca ümumi və fərdi
qaydada görüşdüyü 2403 nəfər seçicinin qayğı və problemlərilə maraqlandı
və daxil olan şikayətləri qəbul etdi. Hətta, millət vəkili olmadan
belə 15 seçicinin qarşılaşdığı probleminin həllinə nail ola bildi.
Hətta "Unikal” qəzetində çalışan Zaur Əhməd, namizədlər üçün UNİKAL
bir yeniliyə imza atdı. Belə ki, o özünün son ümumi görüşündə
seçiciləri qarşısında namizəd olaraq seçki marafonu boyunca gördüyü
işlərlə və görüşlərlə bağlı hesabat da verdi ki, bu da ölkənin seçki
mədəniyyətində bir ilk oldu. Hansı ki, namizədlər heç deputatlar belə öz
seçicilərinə hesabat vermirlər. Bu səbəbdən liberallığı və tərəqqini
qucaqlayan hər bir seçici(lər), səltənətini, can və malını deyil, VƏTƏN,
MİLLƏT təəssübü çəkən patriot namizəd MƏMMƏDOV ZAUR ƏHMƏD oğlunu
dəsdəkləyəcəklərini və səs verəcəklərini çəkinmədən, usanmadan
cəsarətlə dilə gətirdi.
Ən müxtəlif sferalarda çalışan və təmsil
olunan insanlardan dəstək gəldi. Onun şəhərdə böyüməsinə baxmayaraq,
Cəbrayıl və cəbrayılıllara olan sevgisini, seçici, Zaurun bu günə qədər
gördüyü işlərlə qiymətləndirdi. Xüsusən də ŞƏHİD ruhuna bürünmüş köçkün
cəbrayıllılar, onun ŞƏHİD övladı olmasını bildikdə, çox böyük dəyər və
ehtiramla öz namizədlərini salamlayaraq, ŞƏHİD əmanətinə sahib
çıxacaqlarına söz verdilər. Əsasən də birinci Qarabağ savaşı zamanı
Cəbrayılın ad çıxarmış igid və qəhrəman oğulları sonuna qədər ŞƏHİD
ƏMANƏTİnin yanında olacaqlarını və ona dəstək verəcəklərini ifadə
etdilər.
Xəbərdən istifadə edərkən istinad etmək vacibdir.