Mərkəzi Seçki Komissiyasının (MSK) bu gün keçirilən iclasında 50 saylı Abşeron-Qobustan seçki dairəsindən deputatlığa namizəd İbrahimov Əflan Həsən oğlunun müraciətinə baxılıb.
Xeberle.com xəbər verir ki, müraciət barədə MSK üzvü İlkin Şahbazov məlumat verib.
O bildirib ki, şikayətçi pozuntuların olduğunu əsas gətirərək müraciətində həmin dairənin nəticələrinin ləğv edilməsini tələb edib: "Təqdim olunan materialların araşdırması zamanı 9 seçki məntəqəsində seçicilərin iradəsini əks etdirməyən hallar müəyyən olunub. Bu baxımdan həmin məntəqənin nəticələri etibarsız hesab olunmalı və şikayət qismən təmin edilməlidir".
Təklif səsverməyə çıxarılaraq qəbul edilib.
Xəbərdən istifadə edərkən istinad etmək vacibdir.
