Səfərovun sualları belə olub:

 

Birinci sual: Hörmətli Vladimir Vladimiroviç, qısa müddət əvvəl Türkiyədə rəsmi səfərdə oldunuz. Amma qəribədir ki, sizdən sonra Avropalı rəsmilər də  tələsik Türkiyəni ziyarət edərək, Türkiyəni Rusiyaya qarşı sanksiyalarına qoşulmağa razı salmaq istədilər. Bu mövzuda şərhinizi öyrənə bilərikmi? 

İkinci sual: Avropanın sanksiyaları altında 40 ildir yaşayan, tanınmayan Şimali Kipr dövləti var. Onlar super güc olan Rusiyadan, Kipr probleminin həlli üçün yardım gözləyir"

Putin əvvəlcə Kipr mövzusuna toxundu. Rusiya lideri bu mövzuda balanslı bir siyasət yürütməyə çalışdıqlarını, iki tərəfi də məmnun edəcək bir həlli dəstəklədiklərini, kənardan müdaxilələrin problemin həllində uzun ömürlü olmadığını, amma müəyyən bir optimizm olduğunu söyləyib. 

Daha sonra ilk suala cavab verən Putin bildirib ki, Türkiyənin sanksiyalara qoşulması üçün razı salınmasına gəlincə, buna şübhəsi yox idi. "Mən Ankarada hörmətli Ərdoğana dedim ki, bəlkə bəzi şeyləri ictimaiyyət qarşısında indi söyləməyə ehtiyac yoxdur. Qazları ürkütməyək, sabah bu tərəfə uçmazlar! Amma cənab Ərdoğan sağlam adam (krepkiy mujik), bunu etmədi. Dedim ki, bəzi şeyləri elan etməyək. Amma o düşündü və dedi ki: "Xeyr, açıqlayaq”. Bu, bizim Türk tərəfdaşlarımzın seçimiydi. Ərdoğan dedi ki, gizlədəcək bir şeyimiz yoxdur, heç kimin nəyinisə oğurlamağı  düşünmürük. Biz öz ikitərəfli əlaqələrimiz üzərində qərar veririk” – deyə Putin bildirib. 

Putinə suallar verən Cihan Xəbər Agentliyi Moskva müxbiri, azərbaycanlı  Fuad Səfərov Ege Universitetində Jurnalistika fakültəsinin bitirib. 

O, mətbuat konfransı ilə bağlı bildirib ki, üç ildir Putinin mətbuat konfranslarında iştirak etsə də, sual vermək imkanı olmamışdı və bu dəfə sual verə bildiyi üçün çox xoşbəxt olub. "Hətta başlanğıcda bir az həyəcanlı olduğumu da etiraf etməliyəm". 

Türkiyədəki bütün media orqanları bu suallara Putinin verdiyi cavabları manşet xəbəri kimi veriblər.