Sünik bölgəsində (tarixi adı Zəngəzur) yerləşən Şurnux kəndinin 12 evi ətrafdakı torpaq sahəsi ilə birlikdə Azərbaycana təhvil verib.
Xeberle.com-a xəbər verir ki, bu barədə Gorus icması rəhbərinin müavini Menua Ovsepyan deyib.
Onun sözlərinə görə, sərhədlərin müəyyənləşdirilməsi nəticəsində bu evlər torpaq sahələri ilə birlikdə Azərbaycana qaytarılıb. Tərk edilmiş evlərin sahibləri qohumlarının yanına köçürlər.
Kəndin icma başçısı Akop Arşakyan isə bildirib ki, hazırda sakinlər sonuncu əşyalarını toplayır. Azərbaycan tərəfi artıq kəndin girişində post qurub.
"Bu gün kəndlilərlə görüş keçirdik, orada erməni sərhədçiləri və bir neçə rus sülhməramlısı da iştirak edirdi. Kənd sakinlərinə qarşı tərəfin ərazisinə keçməməyi, mümkün qədər diqqətli olmağı açıq söylədik. Eyni zamanda, Şurnuxun Ermənistan və Azərbaycan hissələri arasında dəqiq sərhəd hələ qurulmayıb".
Xəbərdən istifadə edərkən istinad etmək vacibdir.
