Jurnalist Nairi Hoxikyan xarici ölkə vətəndaşı olan ermənilərin və muzdluların ikinci Qarabağ müharibəsində iştirakını təsdiqləyib.
Döyüşlərə könüllü kimi qoşulan erməni jurnalist xaricdəki soydaşlarının müharibədə iştirak etmək üçün rəsmi qurumlara müraciət etdiyini deyib.
"6 oktyabrda könüllü dəstəmizlə Qarabağda olarkən burada Fransa və Rusiyadan olan ermənilərlə qarşılaşdım. Oktyabrın 12-də dostum ABŞ-dan zəng edərək Qarabağa gəlmək üçün icazə istədiyini bildirdi. Krım Milli Məclisinin deputatı Armen Mardoyan müharibənin ikinci günündə 450 təcrübəli döyüşçünü Qarabağa göndərməyə hazır olduğunu elan edib. Aleksandr Boroda da öz növbəsində Qarabağa 7000 könüllü göndərməyə hazır olub", - deyə erməni jurnalist vurğulayıb.
Xatırladaq ki, Ermənistan tərəfi xarici vətəndaşların Qarabağdakı döyüşlərdə iştirakını inkar etsə də, müharibə zamanı Azərbaycan Ordusu tərəfindən xeyli sayda muzdlu döyüşçü məhv edilib. Onların arasında müxtəlif ölkələrin vətəndaşlarına rast gəlinib.
Hətta Fransa ermənilərindən birinin döyüş vaxtı Qarabağda çəkdiyi video geniş müzakirələrə səbəb olmuşdu. O, erməni hərbçiləri arasında döyüş ruhunun aşağı olmasından şikayətlənirdi.(azvision.az)
Xəbərdən istifadə edərkən istinad etmək vacibdir.
