Milli Məclisin bu gün keçirilən növbəti plenar iclasında "Dövlət qulluğu haqqında” qanuna dəyişiklik layihəsi müzakirəyə çıxarılıb.
Xeberle.com xəbər verir ki, layihə haqqında deputatlara vitse-spiker Əli Hüseynli məlumat verib.
Deputatların suallarına cavabında Hüseynli bildirib ki, Azərbaycan Prezidentinin xüsusi nümayəndəsi əsasən ərazi, icra hakimiyyəti orqanı isə insanlarla bağlı işləyəcək: "Yəni bu məsələdə hər hansı qarışıqlıq yoxdur”.
Məlumat üçün bildirək ki, dəyişikliklə qanunun inzibati və yardımçı vəzifələrin təsnifatı qaydasına Azərbaycan Respublikası Prezidentinin xüsusi nümayəndələrinin vəzifələri, Azərbaycan Respublikası Prezidentinin xüsusi nümayəndələrinin müavinlərinin vəzifələri, Azərbaycan Respublikası Prezidentinin xüsusi nümayəndəliklərində mütəxəssislərin vəzifələri əlavə edilir.
Qanuna dəyişiklik layihəsi müzakirələrdən sonra səsverməyə çıxarılaraq qəbul edilib.
Xəbərdən istifadə edərkən istinad etmək vacibdir.
