Amerika Birləşmiş Ştatlarının 46-cı prezidenti Cozef Baydenin 24 aprel
"erməni xalqının anım günü” çıxışında 1915-ci ildə Osmanlı imperiyası ərazisində
guya bu "məzlum” xalqın 1 milyondan artıq nümayəndəsinin "soyqırım”a məruz
qalması barədə açıqlaması ABŞ demokratiyası və hüquq-ədaləti adına uyğun gələməməklə
yanaşı və tarixi həqiqətlər barədə saxta ittihamların səsləndirilməsi də
adlandırmaq olar.
Gerçəklikdən uzaq verilən bu siyasi bəyənat 100 ildən artıq keçmişə dair
tarixi-elmi araşdırma aparmadan, fakt və dəlilləri tədqiq etmədən və arxiv
materiallarını nəzərə almadan erməni yalanlarını "diriltməyə” və əsl erməni
terroru və vəhşiliklərinə göz yummağa xidmət edir.
1914-15-ci illərdə Osmanlı imperiyası ərazisində erməni terror təşklatları
və silahlı dəstələri tərəfindən 100 minlərlə dinc türk vətəndaşlarına qarşı qətllərlə
başlayan real soyqırım hadisələri 1918-ci ildə Bakı və digər şəhərlərdə olmaqla
Azərbaycan ərazisində də davam etmiş və nəhayətdə 1992-ci ilin fevralında
Xocalı soyqırımı ilə tarixə faciəli həqiqət kimi həkk olmuşdur.
Erməni lobbisinin təsiri altında olan ABŞ administrasiyası bu vəhşilikləri
görməyərək, saxta erməni məlumatları əsasında yalnış "soyqırım” ifadəsi işlətməklə
illərdir siyasi, hərbi, geostrateji müttəfiqi olan, Yaxın, Orta Şərq və Aralıq
hövzəsi regionun və Şərq-Qərb qovşağının əsas aktoruna çevrilən Türkiyə ilə
münasibətlərinə ciddi zərbə vurmşdur.
Heç bir hüquqi qüvvəsi olmayan bu siyasi açıqlamanın erməni yalanlarına
geniş arena açmasına imkan verməmək üçün ABŞ-ın yeni hökumətini Türkiyə və Türk
dünyası ilə strateji münasibətləri və əməkdaşlığı dərinləşdirmək istiqamətində əməli
addımlar atmağa və erməni uydurma tarixinə verilən bu "siyasi dəstəyi” aradan
qaldırmağa çağırırıq.
Xəbərdən istifadə edərkən istinad etmək vacibdir.
