Azərbaycan SSR Kommunist Partiyası Mərkəzi Komitəsinin keçmiş birinci katibi Əbdürrəhman Vəzirov Rusiyanın paytaxtı Moskva şəhərində dəfn olunub.
Xeberle.com Report-a istinadən xəbər verir ki, o, Troekurovskoe qəbiristanlığında həyat yoldaşının məzarının yanında torpağa tapşırılıb.
Dəfndən əvvəl keçirilən vida mərasimində Ə.Vəzirovun yaxınları, o cümlədən oğlu Eldar çıxış edib. Sonra Quran ayələri oxunub.
Qeyd edək ki, 1930-cu ildə Bakının Kirov (indiki Binəqədi) rayonunda doğulan Ə.Vəzirov 1988-1990-cı illərdə Azərbaycan SSR Kommunist Partiyası Mərkəzi Komitəsinin birinci katibi vəzifəsində çalışıb. 1990-cı ilin yanvar faciəsindən sonra Rusiyaya gedib və ömrünün qalan hissəsini bu ölkədə yaşayıb.
Xəbərdən istifadə edərkən istinad etmək vacibdir.
