Türkiyə prezidenti Rəcəb Tayyib Ərdoğan yenidən erməni-türk sərhədinin açılışı haqqında şərtlərini bildirib.
Ərdoğan "Ermənistan Azərbaycanın işğal edilmiş ərazilərini azad etmədikcə sərhədi açmayacağıq” – deyə qeyd edib. Türkiyə 1993-cü ildə Azərbaycana dəstək məqsədilə Ermənistanla sərhədi bağlayıb. Hazırda sərhəd Rusiya Federasiyasıyla müqaviləyə əsasən, rusiya və erməni sərhədçiləri tərəfindən qorunur. Erməni-türk sərhədi Avropada yeganə bağlı sərhəddir. Ermənistan 2008-ci ildə erməni-türk münasibətlərinin normallaşdığı dövrdə dəfələrlə sərhədi açmağı təklif edib. Lakin Qarabağ münaqişəsinin həll olunmaması buna icazə verməyib. Ərdoğan qeyd edib ki, Rusiya və ABŞ sərhədlərin açılmasını istəyirsə, münaqişənin həlli haqqında qəti qərar verməlidir. (ulusinfo.com)
Xəbərdən istifadə edərkən istinad etmək vacibdir.