O, evin yeganə, tək övladı idi. Valideynlərin onunla bağlı tükənməz arzuları vardı. Lakin bu arzular, könlü Vətən eşqi ilə çırpınan cəsur əsgərin yarımçıq taleyi ilə bağlı, həyata keçməsə də, valideynlər təskinlik tapmağa çalışır, "Vətən sağ olsun!” deyirlər...
13.10.2023-cü il tarixdə, 44 günlük Vətən müharibəsində düşmənə qarşı Haqq savaşında rəşadətli döyüş yolu keçərək, sonda Şəhidlik Zirvəsinə ucalan qeyrətli Vətən oğlunun Sumqayırt Şəhidlər Xiyabanında Anm gününə yüzlərlə insan toplaşmışdı... Hər kəs gənc qəhqəman əsgər Rüfət Mustafayev haqqında xoş sözlər söyləyir, onun şücaətindən ağızdolusu danışırdı. 24 yaşında Şəhidlik Zirvəsinə ucalan 24 yaşlı Rüfət Müstafayevin şərəfli döyüş yolu hər bir yeniyetmə-gənc üçün BÖYÜK MƏKTƏBdir!
Anım günündə Şəhidimizin əziz-doğmaları, şəhər ictimaiyyəti, şəhid ailələrinin üzvləri, igidimizn silahdaşları və dostları, məktəblilər iştirak edirdi. Məzarın üstünə qoyulan gül-çiçəklər, söylənilən xoş sözlər, səslənən şeirlər... şəhidimizin ehtiramla yad edilməsinin təzahürü idi.
Tədbir şəhidin ailəsi tərəfindən açılan ehsan süfrəsində davam etdi. R.Mustafayevin valideynləri – Zöhrab bəy və Afət xanım Anım günündə onların yanında olan hər kəsə ös təşəkkürlərini bildirdilər.
Ruhun şad olsun, İgidimiz!
-------------------
Şəhidimiz haqqında məlumatlanaq:
RÜFƏT ZÖHRAB oğlu MUSTAFAYEV 12.03.1996-cı ildə Sumqayıt şəhərində anadan olub. 2002-2013-cü illərdə F.Piriyev adına Sumqayıt şəhər 18 saylı tam orta məktəbdə oxuyub. 2013-2017-ci illərdə Azərbaycan Texniki Universitetinin "Maşınqayırma və robototexnika” fakültəsində təhsil alıb. Təhsil aldığı illərdə gənc tələbə, gözəl xasiyyəti, xarakteri, aktivliyi ilə seçilib, pedaqoji kollektivin və tələbə yoldaşlarının rəğbətini qazanıb.
M.Rüfətin hələ uşaqlıqdan hər bir sahəyə marağı olub, həmçinin idmana, musiqiyə... Elə bu səbəbdən, könüllü olaraq "Cüdo” idman növü ilə məşğul ol ub. Bir müddətdən sonra, Sumqayıt şəhər S.Vurğun adına Mədəniyyət Mərkəzində "Sintezator” kur suna da yazılıb və böyük həvəslə dərslərə gedib.
Ali təhsilini başa vurduqdan sonra, R.Mustafayev boş-bekar qalmayıb işləməyə başlayıb. O, 2017-2019-cu illərdə yaxın qo hum lar dan birinin rəhbərlik etdiyi özəl ticarət obyektində - "Elmar” marketdə "ekspeditor” (malpaylayan) vəzifəsində ça lı şıb...
2019-cu il oktyabrın 23-ü Səfərbərlik və Hərbi Xidmətə Çağırış üzrə Dövlət Xidmətinin Sumqayıt Şəhər İdarəsi tə rəfindən "Çağırış” vərəqəsi alan R.Mustafayev ilk əvvəl Goranboyun Goran stansiyasında yer ləşən "N” saylı hərbi hissədə xidmətə başlayıb. 2020-ci ilin iyul ayında baş verən Tovuz döyüşlərində iştirak et dik dən sonra, o, könüllü olaraq ön cəbhəyə - Tərtər rayonunda yerləşən "N” saylı hərbi hissəyə gedib və burada xidmətinə davam edib.
Tovuz hadisələri zamanı şəhid olmuş Polad Hə şi mo vun və digər qəhrəman oğulların qisası hissi ilə yaşayan igid əsgər səbirsizliklə döyüş meydanına atılacağı günü gözləyib...
27.09.2020-ci il tarixindən, Azərbaycan –Ermənistan arasında başlamış II Qarabağ müharibəsinin ilk günündən Rü fət Mustafayev döyüşlərə qatılır. Ən qaynar döyüş nöqtələrində düşmənə qarşı mərdlik, çəsarət nümayiş etdirir. O, komandirləri olan polkovnik-leytenant Zaur Cəfərovun sürücüsü olur.
09.10.2020-ci ildə Rüfətgilin dəstəsi Murov-Kəlbəcər istiqamətində, "Ömər aşırımı” deyilən ərazidə gedən döyüşlərdə iştirak edir, yaralıların döyüş meydanından çıxarılmasına yardımçı olur. Həmin döyüşdə ermənilərdən xeyli sayda silah-sur sat qənimət kimi götürülür.
Oktyabrın 9-dan 10-na keçən gecə. Ağdərə-Kəlbəcər istiqamətində gedən şiddətli döyüşlər zamanı düşmənin hücum cəhdinin qarşısını alarkən mətin əsgərin idarə etdiyi minik avtomobili minaya düşür. Gənc əsgər komandiri pol kovnik-leytenant Zaur Cəfərovla birlikdə həlak olur. Neytral zonada olduqlarına görə, qəh rə man ların nəşi 3 gün sonra həmin ərazidən götürülür...
Azərbaycan Ordusunun cəsur, qorxmaz, ləyaqətli, igid əsgəri Rüfət Mustafayevin nəşi oktyabrın 13-ü 2020-ci ildə doğma şəhərinə gətirilir və Sumqayıt Şəhidlər Xiyabanında torpağa tapşırılır.
44 günlük Vətən müharibəsində Tərtər rayonunun Talış və Suqovuşan kəndlərinin, Murov dağ silsiləsinin iş ğal çı lar dan azad olunmasında müstəsna əməyi olan, torpağın azadlığı uğrunda qanından, canından keçən, adını Zəfər ta ri xi nin şanlı səhifələrinə Qızıl hərflərlə yazan qəhrəman oğul Rüfət Mustafayev Şəhidlik Zirvəsinə yüksələrək, Allah dər gahında – Cənnətdə özünə məskən salır..
M.Rüfət Qubadlı torpağında doğulmasa da, orada böyüməsə də, o torpaqlara can atırdı. Ata-anasının doğulduğu kəndə gedib görmək arzusunda idi. Həmişə deyərdi:"Bir gün mütləq o torpaqlara dönəcəyik! İndi mən gedirəm ki, o topaqları azad edim, mənfur erməni daşnaklarının belini sındırım. Sonra bir yerdə torpaqlarımıza gedəcəyik”.
Bu gün Rüfər ata-anasının yurd yerlərini görə, bayrağını sanca bilməsə də, azad olunmuş Qubadlı torpaqlarında silahdaşları Azərbaycanın üçrəngli bayrağını dalğalandırıblar. Rüfət kimi Vətən sevdalı igidlərimiz tarix boyu hər kəsin qəlbində daima yaşayacaqlıar!!!
Azərbaycan Silahlı Qüvvələrinin 24 yaşlı yenilməz, cəngavər əsgəri Rüfət Zöhrab oğlu Mustafayev ölümündən sonra, Ölkə Rəhbərinin müvafiq Sərancamlarına əsasən, "Vətən uğrunda”, "Cəsur döyüşçü”və"Suqovuşanın azad olunmasına görə” medalları ilə təltif olunub.
Ruhun şad olsun, Şəhidimiz!!!
Xeberle. com
Xəbərdən istifadə edərkən istinad etmək vacibdir.
