Vətən müharibəsi başlanan gün hər bir azərbaycanlı se vinc içərisində idi. Doğma Vətəni, bərəkətli Torpağı yağı düşməndən azad etmək üçün canından belə keçməkdən şərəfli nə ola bilərdi?! Bu anlarda qeyrətli oğulların beyinlərindən yalnız bir fikir keçirdi: əzəmətli, şan lı üçrəngli bayrağımızı tezliklə Qarabağ torpağına sancmaq! Onlar arzularına doğru inamla addımladılar və sonda Zəfərə imza atdılar!
(Yazı Şəhidlərimizin Sumqayıt Şəhidlər Xiyabanında dəfn olunma ardıcıllığı ilə verilib).
------------------------------------
ƏBDÜLƏZİMLİ EMİL RASİF oğlu
(Əsgər)
Qısa arayış: EMİL RASİF oğlu ƏBDÜLƏZİMLİ 6 dekabr 1994-cü ildə Sumqayıt şəhərində anadan olub. 1-ci sinfə Sumqayıt şəhər 13 saylı tam orta məktəbə gedib. Sonradan ailə Abşeron rayonunun Masazır qəsəbəsinə köçüb. Bu səbəbdən, Ə.Emil 2-ci sinfdən buradakı 2 saylı tam orta məktəbdə təhsilini davam etdirib. Dərslərinə diqqətlə yanaşan, məktəbin ictimai həyatında fəal iştirak edən yeniyetmə, 2012-ci ildə təhsil ocağını müvəffəqiyyətlə başa vurub.
E.Əbdüləzimli 2012-2016-cı illərdə Azərbaycan Kooperasiya Universitetinin "İqtisadiyyat” fakültəsinə təhsil alıb. 2016-cı ilin iyun ayında, Vətən qarşısında borcunu yerinə yetirmək üçün, Milli Ordunun Quru Qoşunlarında – Naxçıvan Muxatar Respublikasında "N” saylı hərbi hissədə həqiqi hərbi xidmətə başlayıb. Ordubad rayonunda "Soyuq dağ” adlanan ərazidə yerli batalyonda xidmət edən gənc əsgər Vətənə layiqincə və şərəflə qulluq edib.
E.Əbdüləzimli 2017-ci ilin iyul ayında hərbi xidmətini başa vurub. O, 2017-2020-ci illərdə təmir-tikinti işlərində fərdi olaraq "usta” kimi çalışıb.
Əsgərlikdən gələndən sonra, haradasa 2017-2018-ci illərdə İ.Emil idmanın Ağır atletika növü ilə məşğul olub. Bu ərəfədə başı işə qarışdığından, həmçinin Dövlət qulluğuna imtahan vermək üçün çalışdığından idmandan uzaqlaşmalı olub.
İ.Emilin uşaqlıq arzusu əslində hərbi polis olmaq idi. Hətta Dövlət qulluğunda çalışmaq üçün sənədlərini Müdafiə Nazirliyinin Hərbi Polis İdarəsinin müvafiq qurumuna təqdim etmişdi. Və səbirsizliklə əmrinin veriləcəyi günü gözləyirdi.
Bütün gənclər kimi, İ.Emilin də gələcək üçün tükənməz arzuları olub. Özünə karyera qurmaq, ev-eşik sahibi olmaq, maşın almaq, gözəl bir ailə qurub ata olmaq... Emil arzularının xəyalları ilə yaşayır, bir gün onların gerçəkləşəcəyinə böyük ümid bəsləyirdi...
AİLƏ: Dünyamalıyevlər ailəsi əslən Zəngilan rayonundandır. Rasif bəy Zəngilanın Vələtli kəndində anadan olub. Arzu xanım isə rayonun özündəndir. Gənclər 1992-ci ildə doğma yurd yerində ailə həyatı qurublar. Məlum hadisələr üzündən, 1993-cü ildə gənc ailə isti ocaqdan didərgin düşərək, Sumqayıt şəhərinə "qaçqın-köçkün” kimi pənah gətiriblər. Dünyamalıyevlər ailəsi 5 nəfərdən: ata, ana, iki oğlan və bir qız övladından ibarət olub. Uşaqlar öz baba adını götürərək, sonradan "Əbdüləzimli” soyadını daşıyıblar.
Emilin çox gözəl xasiyyəti, ciddi xarakteri olub. Bu, keyfiyyətlərinə görə o, hər zaman sevilib, hörmət qazanıb. Sadə, səmimi, təvazökar, mehriban, qayğıkeş... gəncin hər zaman əhatəsində etibarlı dostlar olub. Bu dostlar əsasən sinif və tələbə yoldaşlarından ibarət idi. Ailəcanlı, dostcanlı, sözübütöv, sirr saxlamağı bacaran, hamıya kömək edib əl tutmağa çalışan... – bu idi bizim Emil!
Emil uşaqlıqdan mütaliəni çox sevib. Dini kitabları oxumağa daha çox maraqlı olub. O, dinin, bir elm kimi, hər zaman tarixini öyrənməyə çalışıb. Doğma ana dilindən əlavə, ingilis dilini də mükəmməl bilib.
Emilin oxumağa böyük həvəsi olub. Hələ məktəbdə oxuduğu illərdə bütün fənnləri sevib və dərindən öyrənməyə çalışıb. Hətta bacısına da dərslərində köməkliyini əsirgəməyib. Mehriban bacı-qardaşları hər zaman hər kəsə nümunə göstəriblər.
Təbiət vurğunu olan gənc, səyahət etməyi sevib. Naxçıvanda xidmət edəndə Əshabi-Kəhfdə olmuşdu. Cox istəyirdi ki, müqəddəs ziyarətgahları gəzib görsün. Dostları ilə tez-tez Qubaya gedərdi. Təbiətin qoynunda Emil ruhən rahatlıq tapardı. Onun arzularının başında isə, ata-ana yurdu olan Zəngilan torpağını görmək, havasını doyunca ciyərlərinə çəkmək dururdu...
Emil uşaqlıqdan vətənpərvər ruhda böyümüşdü. Başqa cür də ola bilməzdi. Yurd həsrətilə içləri qovrulan valideynlər hər zaman övladlarına doğma ocaqdan söz salar, ötüb-keçən günlərin xoş xatirələrini vərəqləyər, ermənilərin başlarına açdıqları oyunları, tarixən xalqımızın başına gətirdikləri müsibətləri ürək ağrısı ilə yada salardılar. Bu söhbətlərə qulaq asan övladlarda düşmənə qarşı nifrət hissi daha da artar, görmədikləri yurd yerlərinin həsrətilə yaşayardılar. Emil düşməndən qisas alacağına, bir gün o yerlərə dönəcəklərinə söz verərək, ata-anasını ümidləndirər, onlarda sabahkı Qələbəyə ümid yaradardı...
2020-ci ilin iyul ayında baş verən Tovuz döyüşləri zamanı qəhrəman zabit – general-mayor Polad Həşimovun və onun silahdaşlarının ölümündən sonra, Vətənin qeyrətli oğlu Emil Əbdüləzimli bir an da belə ləngimədən, Bakı şəhər Sabunçu rayonunda yerləşən Zəngilan Rayon Hərbi Komissarlığına gedərək, adını könüllülərin siyahısına yazdırır.
2020-ci il 27 sentyabr tarixində Ali Baş Komandan İlham Əliyevin düşmənə qarşı əks-hücüm əməliyyatı ilə bağlı verdiyi əmr, bir çox gənclər kimi, Emilin də ürəyindən olur. O, səbirsizliklə hərbi komissarlıqdan çağrılacağı anı gözləyir. Nəhayət, oktyabrın 10-u Vətən sevdalı oğul könüllülərlə bərabər Ağcabədiyə yola düşür. Daha sonra o, birbaşa ön cəbhəyə göndərilir. Cəsur döyüşçü Füzuli, Cəbrayıl, Xocavənd uğrunda gedən qızğın döyüşlərdə igidlik göstərərək adını Vətənin Hərb tarixinə yazır.
Oktyabrın 17-si igid əsgərin ailəsi ilə son danışığı olur.
Oktyabrın 19-u 2020-ci ildə cəbhənin bir çox istiqamətlərində qızğın döyüşlər başlanır. Səhər saatlarında Füzuli-Cəbrayıl, Şuşa istiqamətində, bir çox kəndlərin, həmçinin Cəbrayılın Süleymanlı kəndinin düşməndən azad olunması uğrunda ölüm-dirim savaşı gedir. Azərbaycan ordusunun mərd, qorxmaz cəngavəri Emil Əbdüləzimli döyüş meydanında düşmənə qarşı amansızcasına vuruşur. Döyüş zamanı mərmi yarası alan gənc döyüşçü Füzuli hospitalına çatdırılsa da, burada dünyasını dəyişir. Son damla qanınadək savaşan qəhrəman Vətən oğlu ən uca məqama – Şəhidlik Zirvəsinə ucalaraq, adını Vətən Tarixinin Şanlı səhifələrinə Qızıl hərflərlə yazır!
Qarabağ torpağını, həmçinin doğma Zəngilanı azad görmək arzusu ilə döyüşlərə qatılan igidimiz, məhz Zəngilanın işğaldan azad olunan günü – 20 oktyabr 2020-ci ildə torpağa tapşırılır. Canından və sevimli anasından da çox sevdiyi Ana Torpağına qovuşur Qəhrəmanımız!
Azərbaycan Silahlı Qüvvələrinin cəsur döyüşçülərinin sayəsində Vətən torpaqları yağı düşməndən azad olundu və el-obalarından didərgin düşmüş insanların üzərindən "qaçqın”, "köçkün” damğası birdəfəlik silindi. Və bu gün Vətənin, Azərbaycan xalqının başı ucadır, igid, mərd qəhrəmanlarımızın sayəsində! Bu gün igidlərimizin qanı, canı bahasına Vətən Torpaqları azaddır, rahat nəfəs alır və öz sahiblərinin yolunu gözləyir, Emil kimi Vətən sevdalı oğulların sayəsində!!!
Azərbaycan Ordusunun məğrur, igid, mübariz əsgəri, 26 yaşlı atıcı Emil Rasif oğlu Əbdüləzimli ölümündən sonra, Ölkə Rəhbərinin müvafiq Sərəncamlarına əsasən, 3-cü dərəcəli "Vətənə xidmətə görə” orderi,həmçinin "Vətən uğrunda”, "Füzulinin azad olunmasına görə” və"Cəbrayılın azad olunmasına görə” medalları ilə təltif olunub.
Ruhun şad olsun, Cənnətməkan Şəhidimiz!!!
---------------
DADAŞOV ƏZİZAĞA RAMİS oğlu
(Əsgər)
Qısa arayış: ƏZİZAĞA RAMİSoğluDADAŞOV1iyul 1994-cü ildə Sumqayıt şəhərinin Corat qəsəbəsində dünyaya göz açıb. 2000-2009-cu illərdə Corat qəsəbəsində yerləşən Sumqayıt şəhər 7 saylı tam orta məktəbdə doqquzillik təhsil alıb.
Ə.Dadaşov sakit təbiətinə, xoş xa siy yətinə, təlim-tərbiyəsinə, qanacaq-mərifətinə görə hər zaman seçilərək məktəbin müəllim və şagird kollüktivi tərəfindən sevilib. Məktəbi bitirdikdən sonra yeniyetmə işləmək, ailəyə dəstək olmaq qərarına gəlib.
2012-ci ilin yayında Əzizağa Dadaşova Sumqayıt Şəhər Hərbi Komissarlığından, Vətən qarşısında borcunu yerinə yetirmək üçün, "Ça ğı rış” vərəqəsi gəlib. İyulun 9-10-da Əzizağa doğmaları ilə sağollaşıb, həqiqi hərbi xidmətə yola düşüb. O, əvvəlcə Bey lə qan rayonunda Haramı düzündəki "N” saylı hərbi hissədə xidmət edib. Andiçmədən sonra isə, Xocavənd rayonunun Ku ro patkino kəndində yerləşən "N” saylı hərbi hissəyə göndərilib.
Ə.Dadaşov xidməti dövründə döyüş hazırlığı və təlimlərdə fəallığı ilə seçilib, komandanlıq tərəfindən "Təşək kür namə” ilə təltif olunub. Ağır təbiəti, qayda-qanuna riayət etməsi, nizam-intizamı, tərbiyəsi ilə hərbi xidmətdə də ko man dan lığın və əsgər yoldaşlarının rəğbətini qazanıb.
2014-cü ilin yanvar ayında Ə, Dadşov hərbi xidmətini ləyaqətlə başa vurub.
AİLƏ:Əzizağagil ailədə altı nəfər olublar: ata, ana, üç bacı və bir qardaş. Böyük ailənin özünə görə də dərd-səri, problemləri olub. 1999-cu ildə ata beyninə qan sızmasından dünyasını dəyişib. O zaman Əzizağanın cəmi 5 yaşı olub. Evin bütün ağırlığı Həlimə xanımın çiyin lərinə düşüb. Övladlarını min bir əziyyətlə böyüdən ana, hər bir işin qulpundan yapışmağa çalışıb, təki övladları sağ lam, gözütox böyüsünlər.
Atasız böyüyən Əzizağa işgüzar, zəhmətkeş olub, bir işin qulpundan yapışmağa çalışıb. Artıq evin yükü onun çiyin ləri üzərində olub. Bu yükü qaldırmaq nə qədər ağır olsa da, o, heç bir çətinlikdən qorxmayıb. O, ailəyə dəstək, anaya dayaq olmaq məqsədilə, 14 yaşından işləməyə başlayıb.
Ağır xasiyyətli, təmkinli igidimiz, digər yaşıdları kimi, idmana maraq göstərdiyindən, formada, güclü olsun deyə, fərdi olaraq Ağır lıq qaldırma idman növü ilə məşğul olub. Əzizağanın öz maraq dün yası var idi. Dənizin vurğunu olan yeniyetmə çox gözəl də üzməyi bacarıb. Hətta deyərdilər ki, "Əzizağa suiti kimi üzür”.
Həqiqi hərbi xidmətdən sonra Əzizağa yenidən əvvəlki işini davam etdirir. O, əsgərliyə gedəndə ailənin maddi durumu nə qədər ağır idisə, xidmətdən qayıdıb gəldikdən, işləyib qul qazandıqdan sonra, artıq hər şey öz yoluna düşür...
Vətən müharibəsi. 2020-ci ilin yayında ön xətdə baş verən düşmən təxribatları, Tovuz hadisələri hər kəsdə düşmənə qarşı nifrət hissini daha da artırdı. İl lərin torpaq həsrətinə son qoyulmalı, tarixin qara ləkələri təmizlənməli, Şəhidlərin, günahsız insanların qisası alınmalıydı! Ev-eşiklərindən didərgin düş müş insanlar yenidən yurd yerlərinə, dədə-baba ocaqlarına qayıtmalı idilər. Bütün bu düşüncələr Əzizağanı da rahat qoymurdu. Elə bu dü şün cə lər içində ikən, Əzizağaya Sumqayıt Şəhər Hərbi Komissarlığından səfərbərliklə bağlı çağırış gəlir.
Sentyabrın 21-i 2020-ci il tarixdə sübh tezdən Əzizağa, heç kimə bir söz demədən, səfərbərliklə yola düşür. Elə həmin gün günorta saat 2-də bacısı Bibixanım qardaşına zəng vurur ki, hal-əhval tutsun. Onda bilir ki, qardaşı cəbhəyə gedir. Ba cı deyir: "Birdən bilmərik, səni cəbhəyə apararlar, bizdən gizlədərsən”.Qardaş da cavab verib ki, "mən artıq yol da yam”.
Əzizağa əvvəlcə Qusarda təlimlərə qatılır. Bir həftə sonra, yəni sentyabrın 27-də II Qarabağ müharibəsi başlananda gənc əsgər artıq Ağdama – ön cəbhəyə göndərilir.
Əzizağa 2-3 gündən bir əzizləriylə əlaqə saxlayır. Oktyabrın əvvəli zəng edib deyir ki, "bizi artıq Füzuliyə göndərirlər”. İgid əsgər müharibənin qay nar nöqtəsində düşmənə qarşı mübarizə aparacağına nə qədər sevinirsə, evin yeganə oğlunu min bir əziyyətlə böyüdən ana bir o qədər kədərlənir, narahatçılığı daha da artır...
Əzizağa ailə üzvlərinə qarşı hər zaman həssas, diqqətcil olub. Qızğın döyüşlərin getməsinə baxmayaraq, sevimli bacısının ad gü nünü bir an belə unutmur. Oktyabrın 8-i bacısına zəng edir və deyir: "Bacı, birdən sabah əlaqə saxlaya bilmədim, doğum gü nünü öncədən təbrik edirəm. Allah nə arzuların var, gerçəkləşdirsin! Burada hər şey yaxşıdır. Narahat olmayın”.Hə min gün bacının sevinci yerə-göyə sığmır. Təkcə ona görə yox ki, qardaşı zəng edib təbrik etdi. Xeyr. Əsas o idi ki, qardaşının səsini eşidir, arxayın olur ki, sağ-salamatdır. Bir bacı üçün bundan gözəl hədiyyə nə ola bilərdi?!
Oktyabrın 15-i sübh tezdən evə zəng edən Əzizağa anasından halallıq istəyir. Bu, ananın xoşuna gəlmir. Na ra hat çı lığı daha da artır. "Bu nə sözdür? Halallıq niyə istəyirsən?”. "Ana, hər şey ola bilər. Müharibədir... Anacaq onu bil irəm ki, biz mütləq qalib gələcəyik!”.Bu, həyatın ağrı-acılarını vaxtından tez dadmış bir gəncin son sözləri olur...
Oktyabrın 15-dən 18-cən Əzizağadan səs-soraq olmur...
Oktyabrın 15-i Füzuli rayonunun bir çox kəndləri, həmçinin Qarğabazar, Yarəhmədli kəndlərinin işğaldan azad olunması uğrunda şiddətli döyüşlər gedir. Əziz ağa bu döyüşlərdə şücaət göstərərək, öz həyatını təhlükəyə atmaqdan belə çəkinmir. Bir dostunu ölümün pəncəsindən xilas edir, düş mənin bir polkovnikini öldürür, yaralıların döyüş bölgəsindən kənarlaşdırılmasında fəal iştirak edir... Bu, Haqq savaşında igid əsgər son damla qanınacan düşmənə qarşı mərdiklə vuruşur və sonda qəhrəmancasına həlak olaraq, Allah dərgahında ən uca məqama – Şə hid lik Zirvəsinə ucalır...
Əzizağa bacısının oğlu Hüseynə həd siz dərəcədə bağlı idi. Bir də ki, bu həyatda Əzizağanın möhkəm bağlandığı, sevdiyi azadlıq və xoşbəxtlik rəmzi olan göyərçinləri olub. On larla rahatlıq, dinclik tapıb. Hətta son anda ailəsi, qohumları ilə vidalaşarkən, "əgər birdən şəhid olsam, gö yər çinlərimdən muğayat olun”deyib. Sonra üzünü yaxın qohumu, yeznəsi Səməd bəyə tutub: "...elə olsa, göyərçinlərimi məndən xatirə ola raq saxla”,- deyə tapşırıb.
Bu gün Dadaşovlar ailəsində Əzizağanın göyərçinləri göz bəbəyi kimi qorunur...
Nəslin davamçısını, evin arxa-dayağını itirmək çox ağır, üzücüdür. Buna baxmayaraq, Həlimə xanım özündə güc ta paraq deyir:"Biz Polad Həşimovun anasından artıq deyilik! Qürur duyuruq ki, Şəhidlərimizin qa nını yerdə qoymayan, Qələbə sevincini bizlərə yaşadan qəhrəmanların cərgəsində bizim ailədən də bir nəfər - mənim Əzizağa balam var.Fəxr edirəm oğlumla. Vətən sağ olsun!”.
Azərbaycan Ordusunun mətin, cəsur döyüşçüsü Əzizağa Dadaşov oktyabrın 20-si 2020-ci ildə Sumqayıt Şəhidlər Xiyabanında dəfn olunur.
Qardaş itkisi bir bacı üçün nə qədər ağır olsa da, Allah tərəfindən Əzizağanın məhz ŞƏHİD kimi yüksək bir ada layiq olmasından təskinlik tapır.
Bibixanım (bacı):"Nə qədər ağır olsa da, həyat davam edir. Qardaşımı yaşatmaq üçün dünyaya gəlmiş körpəmə onun adını verdik. Qardaşımın qoxusunu balaca Əzizağadan alıram...”.
Rəşadəti ilə Azərbaycanın şah damarı olan Qarabağın azadlıq tarixinə adını qanıyla yazan Əzizağa Dadaşov kimi oğullar daima qəlblərdə, yaddaşlarda yaşayacaqlar. Qəhrəman oğulun ruhu sevimli ailəsində, azad olunmuş Vətən torpaqlarının aydın səmasında dolaşır...
Azərbaycan Silahlı Qüvvələrinin məğrur, qoçaq, yenilməz, 26 yaşlı əsgəri Əzizağa Ramis oğlu Dadaşov ölümündən sonra, Azərbaycan Respublikasının pre zi denti İlham Əliyevin müvafiq Sərəncamlarına əsasən, "Vətən uğrunda”, "Füzulinin azad olunmasına görə” və "Cəbrayılın azad olunmasına görə” medalları ilə təltif olunub.
Ruhun şad olsun, Cənnətməkan Şəhidimiz!!!
Aygün Hacıyeva,
AJB, AYB, AAB-nin üzvü
Xəbərdən istifadə edərkən istinad etmək vacibdir.
