Sumqayıt şəhərində quraşdırılan işıqfor müzakirələrə səbəb olub.
Belə ki, şəhərin Sülh küçəsində piyadaların işıqfordan keçməsi üçün cəmi dörd saniyə vaxt verilib.
Bu da vətəndaşların haqlı iradına səbəb olub.
Baş Dövlət Yol Polis İdarəsi (BDYPİ) Sumqayıt şəhərində quraşdırılan və müzakirələrə səbəb olan işıqforla bağlı açıqlama verib.
BDYPİ-dən bildirilib ki, Sülh və Koroğlu küçələrinin kəsişməsində quraşdırılan işıqforda piyadaların yolu keçməsi üçün cəmi dörd saniyə vaxt verilməsi texniki nasazlıq səbəbindən olub:
"Həmin ərazidə xidmət aparan Yol Patrul Xidməti əməkdaşları tərəfindən problem aşkar olunub və aidiyyəti üzrə məlumat verilib. Artıq texniki nasazlıq aradan qaldırılıb”.
Xəbərdən istifadə edərkən istinad etmək vacibdir.
