Sumqayıtın 13-cü mikrorayonunda yerləşən bina 53/47/61-in sakinləri səkini zəbt edən dükanın onların gediş-gəlişinə maneçilik yaratdığını deyirlər. Onlar həmin səkidə kifayət qədər obyektin olduğunu, sıxlıq yarandığını iddia edirlər.
Xeberle.com-a müraciət edən sakinlərin sözlərinə görə, "Green House” şadlıq sarayı ilə üzbəüz yerləşən dükan dayanacağın yanında sərnişinlərin də avtobusa minib-düşməsində maneə yaratdığını qeyd edirlər. Sakinlər bununla bağlı Sumqayıt Şəhər İcra Hakimiyyətinə şikayət məktubu göndərdiklərini, məsələnin araşdırıldığını söyləyiblər.
Bununla bağlı İcra Hakimiyyətinin mövqeyini öyrənməyə çalışdıq. Lakin, suallarımız hələlik cavabsız qalıb.
Mövzunu davam etdirəcəyik
Xəbərdən istifadə edərkən istinad etmək vacibdir.
