Sumqayıt şəhəri, 52 və 53-cü məhəllələr, General Məhəmməd Əsədov küçəsində yaşayan sakinlər yol problemi ilə üzləşib. Xeberle.com-a müraciət edən sakinlər yolların xeyli vaxtdır ki, təmirsiz qaldığını deyiblər.
Belə ki, bir müddət əvvəl , "Azəriqaz” İstehsalat Birliyinin Təmir Tikinti İdarəsi tərəfindən Sumqayıtın ikinci giriş-çıxış hissəsi sayılan Daş bazarı ərazisində avtomobil yolunda qaz xəttində yaranan nasazlıqla bağlı qazıntı işləri aparılıb. İş bitsə də, təəsüf ki, asfalt örtüyü hələ də bərpa edilməyib. Onsuz da sözügedən yolun dar olması səbəbindən günün pik saatlarında burada nəqliyyat sıxlığı yaranırdı. Bundan sonra isə demək olar ki, bir zolaq istifadəsiz vəziyyətə düşüb. Bu da avtomobillərin hərəkətinə ikiqat maneə yaradır.
Görəsən ərazi "Azəriqaz" tərəfindən nə vaxtadək  yararsız vəziyyətdə saxlanılacaq?