Sumqayıtda fəaliyyət göstərən dörd seçki dairəsində Azərbaycan Respublikasının Milli Məclisinə 2015-ci il noyabrın 1-nə təyin edilmiş seçkilərlə əlaqədar aşağı seçki komissiyaları üzvlərinin maarifləndirilməsi proqramı çərçivəsində təşkil olunan treninqlərə start verilib.

Treninqlər noyabrın 1-də keçiriləcək Milli Məclisə seçkilərlə əlaqədar aşağı seçki komissiyalarının maarifləndirilməsinə hədəflənən genişmiqyaslı layihənin ikinci mərhələsi çərçivəsində təşkil olunub. Proqrama əsasən, gün ərzində iki sessiya keçirilir.

Əyani vəsaitlərdən istifadə edilməklə keçirilən treninqlərdə məntəqə seçki komissiyalarının üzvləri səsvermə prosesi, seçki prosesində müstəsna hallar, səslərin sayılması və protokolların doldurulması da daxil olmaqla seçki günü prosedurları barədə ətraflı məlumatlandırılır, praktiki məşğələlər zamanı müxtəlif mövzular ətrafında müzakirələr aparılır və iştirakçıları maraqlandıran suallar cavablandırılır.

Treninqlər zamanı, həmçinin hər bir aşağı seçki komissiyası üzvünə MSK-nın hazırladığı "Seçki günü üçün yaddaş” kitabçası, səsvermənin nəticələri haqqında protokol nümunəsi və bir sıra digər zəruri sənəd nümunələri təqdim olunur.(Azərtac)