Sumqayıt şəhərinin bir çox hissəsində əhalinin su ilə təminatında problemlər yaranacaq. Belə ki, şəhərin bir sıra ərazilərində içməli suyun verilməsi məhdudlaşdırılacaq.

Xeberle.com xəbər verir ki, şəhəri içməli su ilə qidalandıran d600 millimetr su xəttində pilot layihə əsasında yeni birləşmənin verilməsi və magistral xətdə olan qəzaların aradan qaldırılması məqsədi ilə Sumqayıtın su təminatında fasilələr yaranacaq.

Sumqayıt Su-kanal İdarəsinin yaydığı məlumatda bildirilir ki, martın 7-dən saat 09:00-dan saat 21:00-dək şəhərin 1,4,5,17-ci mikrorayonlarında və Corat qəsəbəsinin bəzi hissələri, həmçinin 2,6,11,12, 13-cü mikrorayonlarında və 34, 35, 47-ci məhəllələri tam olmaqla suyun verilişi məhdudlaşdırılacaq. Hər ehtimala qarşı magistral xətdə məhdudiyyət yaranmasını nəzərə alaraq 3 gün ərzində su ehtiyatı götürün.