Mayın 4-də Dini Qurumlarla İş üzrə Dövlət Komitəsinin dəstəyi ilə Sumqayıt şəhərində Kotec qəsəbə məscidi dini icmasının "İslamda valideyn və övlad” münasibətləri adlı layihəsi çərçivəsində növbəti tədbir keçirilib.
Tədbiri giriş sözü ilə açan icma sədri Mirfəyyaz Fəttayev ilk öncə keçirilən tədbirlər barədə qısa məlumat verib. O qeyd edib ki, dini icmaların maarifləndirici layihələrinin dövlət səviyyəsində dəstəklənməsi, dini milli-mənəvi dəyərlərimizin daha dərindən öyrənilməsi, eləcə də təbliği sahəsində böyük əhəmiyyət kəsb edir. İcma sədri dəyərlər sistemimizin vacib hissəsi olan ailə dəyərinin mövcud problemlərindən bəhs edib, bu problemləri yaradan səbəblər, onların həlli yolları barədə fikirlərini bölüşüb.
Tədbirdə iştirak edən DQİDK-nın Sumqayıt bölgəsi üzrə şöbəsinin əməkdaşı Ülvi Məmmədov çıxış edərək qloballaşma prosesi fonunda insan və cəmiyyət – dəyər münasibətləri, bu münasibətlərdə təzahür edən sosio – psixoloji məqamlar barədə nəzəri məlumatlar verib. Ailə dəyərinin cəmiyyət və dövlət üçün cövhər olduğunu qeyd edən natiq bu institutun hərtərəfli öyrənilməsi, təbliğ edilməsi, mövcud problemlərin vaxtında üzə çıxarılması və həll edilməsi üçün ciddi sosial araşdırmaların aparılmasının, kompleks tədbirlərin həyata keçirilməsinin vacibliyindən danışıb.
Tədbirin sonunda iştirakçıları maraqlandıran suallar cavablandırılıb.
Xəbərdən istifadə edərkən istinad etmək vacibdir.
