Ukraynada azərbaycanlı iş adamı yoxa çıxıb.
Donetsk Azərbaycanlıları Konqresindən APA-ya verilən məlumata görə, əslən Sumqayıtdan olan 1970-ci il təvəllüdlü Vitali Şirin oğlu Şirinov adlı şəxs Velikaya Novoselka şəhərində qızıl-zərgərlik ticarəti ilə məşğul olur. 
"Qızıl Vitali” kimi tanınan V. Şirinov bir həftə əvvəl Dnepropetrovsk şəhərinə getmək adı ilə evindən çıxıb və geri dönməyib. Onun telefonları söndürülüb. Yerli polis axtarış elan edib. Yaxınlarının sözlərinə görə, bir müddət əvvəl V. Şirinov onlara ondan naməlum şəxslər tərəfindən yüksək məbləğdə pul tələb edilərək hədələndiyini bildirib.

Xəbərdən istifadə edərkən istinad etmək vacibdir.