"Gözləyirlər ki, bina uçsun, neçə ailə həlak olsun, ondan sonra gəlib binaya əncam çəksinlər”.
Bu sözləri Sumqayıt şəhərinin 42 məhəlləsində yerləşən 5 nömrəli yataqxananın sakinləri əməkdaşımız ilə söhbəti zamanı deyiblər.
Yataqxana sakini Rəfiqə Əliyevə bildirib ki,180 ailənin yaşadığı yataqxana artıq xeyli müddətdir ki, qəzalı binaların siyahısına salınıb. Buna baxmayaraq aidiyyatı qurumlar son həddə olan binaya bir əncam çəkmirlər. Yararsız vəziyyətdə olan yataqxanada sakinlər ilbizlərlə bərabər yatıb dururlar.
"26 ildir ki, burada yaşayırıq və bir dəfə də olsun təmir edilməyib. Təsəvvür edin ki, sən evində yemək bişirirsən, ilbizlər də qab-qacağın içi ilə sürünüb gəzir. İndi görün necə bir şəraitdə qab yuyuruq, yemək bişiririk. Hətta çimməyə belə yerimiz yoxdur. Ayaq yolunda çimib təmizlənirik. Çünki binada heç nə yerində deyil. Köhnə, təmirsiz, ancaq daşdan ibarət mətbəxdə ilbizlə bərabər yemək bişirən adamlarıq biz. Uşaqlarımız ilbizlərə görə mətbəx və hamamdan istifadə etməyə iyrənirlər.
Deyirlər ki, bina yararsızdır, təmirə ehtiyacı var və s. Əslində isə yararsız söhbəti deyil, bina təmiri mümkün olmayan qəza vəziyyətindədir. Binanın elə bir yeri yoxdur ki, təmir etmək mümkün olsun. Evin çölündən içi görsənir. Bunun nəyini təmir edəcəklər? Evlərimiz hər an, hər dəqiqə uça bilər”.
Sakinlər bildirir ki, mövcud vəziyyətlə bağlı Fövqaladə Hallar Nazirliyinin əlaqədar nümayəndələri gəlib evlərin şəkillərini çəkiblər. Baxan başını bulayıb deyir ki, bu qəza vəziyyətində olan binadır.
Gəlib vəziyyətimizə baxırlar, sadəcə göz yumub gedirlər. Gözləyirlər ki, bina uça, bir neçə nəfər ölə, ondan sonra gəlib buna əncam çəkərlər”.
.jpg)
Yataqxananın digər sakini Cəmilə Məmmədova da deyir ki, yataqxana sakinləri xeyli vaxtdır ki, binanın vəziyyəti ilə bağlı həyəcan təbili çalırlar.
"2005-i ildə olan zəlzələdən sonra bina iki yerə bölünüb. Binanın qarşı tərəfi isə çöküb. Müvafiq qurumlar bildirib ki, binanın təmirə ehtiyacı var. Söhbət hansı təmirdən gedir? Axı FHN özü deyib ki, bura hətta təmirə də yaramır.
İndi heç bir qurum bizə ümidverici bir söz demir. Yataqxananın bəlkə də 50 ildən yuxarı ömrü var. Burada 30 il ilə yaşayan var, bir dəfə də olsun təmir olunmayıb.
Onu da deyim ki, bina qəzalı olduğuna görə dövlət binanın qazını kəsib. Sakinlər məcburən qaz balonu işlədir. İki dəfə qaz balonundan partlayış olub ev və sahibi içəridə yanıb. Neçə dəfə pilləkəndən yıxılıb ayağı sınan olub. İti itliyi ilə burada bağlasan durmaz”.
azvision.az
Xəbərdən istifadə edərkən istinad etmək vacibdir.
