5 Oktyabr - Beynəlxalq Müəllimlər Günü münasibəti ilə "Unikal Klinika''nın təşəbbüsü və dəstəyi, həmçinin Xeberle.com portalının təşkilatçılığı ilə Sumqayıtda bir qrup müəllimin pulsuz tibbi müayinəsi keçirilib. Müəllimlərə bayram hədiyyəsi xarakteri daşıyan aksiyada Sumqayıtın son qəbul imtahanlarında ən yaxşı nəticə göstərən 10 məktəb və liseyinin hərəsindən 1 nümayəndə olmaqla ümumilikdə 10 müəllimi iştirak edib. Klinikanın baş həkimi Natəvan Abbasova bildirib ki, digər peşələrlə müqayisədə daha gərgin iş rejimində çalışan müəllimlərin mütəmadi olaraq həkim müayinəsindən keçməsi vacib şərtdir. Bayram günündə bu şərəfli peşə sahiblərinin pulsuz müayinəsini təşkil etməkdən məmnun olduğunu deyən N.Abbasova müəllimləri təbrik edib.
Sonra müəllimlər bütün qarın boşluğunun USM-i, terapevt müayinəsi, qanın ümumi analizi prosedurlarından keçiblər.
Aksiyadan yararlanan müəllimlər tədbirin sonunda bu təşəbbüsə görə "Unikal” klinikasının rəhbərliyinə minnətdarlıqlarını bildiriblər.
Xatırladaq ki, bu, klinika tərəfindən keçirilən ilk aksiya deyil. Belə ki, buna qədər "Unikal Klinika”da jurnalistlərin, ən yüksək bal toplayan abituriyentlərin, şəhid ailələrin də pulsuz tibbi müayinələri təşkil olunub.
Xeberle.com

Xəbərdən istifadə edərkən istinad etmək vacibdir.