Xeberle.com xəbər verir ki, şəhid Əbdülməcid Axundovun anadan olmasının 23-cü ildönümü münasibətilə anım günü keçirilib.
Şəhidlər xiyabanında şəhidi ziyarətlə başlayan tədbrdə Əbdülməcid Axundovun müəllimləri, dostları onun haqqında xatirəlrini bölüşüblər.
Tədbirə qatılan Millət vəkili Tahir Mirkişili, Sumqayıt şəhər icra Hakimiyyəti başçısının müavini Teymur Səmədov, şəhər Mədəniyyət və Turizm idarəsinin rəisi Mehman Şükürov çıxış edərək şəhidlərin ölməz olduğunu və xalqımızın qəlbində özlərinə əbədi məskən qurduğunu bildiriblər. Qeyd edilib ki, bütün şəhid ailələrinə diqqət və qayğı göstərilir və bundan sonra da şəhid ailələri dövlətin dəstəyini hiss edəcəklər.
Daha sonra Sumqayıtın Tarixi Muzeyində şəhid Əbdülməcid Axundovun xatirəsinə həsr olunmuş "Ölsəm yaşat" filminin təqdimatı keçirilib.
Tədbirdə xalçaçı rəssam Fazil Abasquluzadənin müəllifi olduğu xalça və gənc rəssamın şəhid Əbdülməcid Axundovun yağlı boya ilə işlədiyi portret ailəsinə təqdim olunub.
Xəbərdən istifadə edərkən istinad etmək vacibdir.
