Bu gün (17.11.2016-cı il tarixdə) M.Ə.Rəsulzadə adına kitabxana filialda 17 Noyabr Dirçəliş günü ilə əlaqədar "Milli şüurun yüksəliş günü” adlı dəyirmi masa təşkil olundu. Tədbirdə Tarix Araşdırmalar Qrumunun təsisçisi, tarixçi-pedaqoq Anar Hüseynov, Sağlam Mühit və Sağlam Gələcək İctimai Birliyinin icraçı direktoru,birlik.az saytının rəhbəri, AMEA Şərqüşünaslıq İnstitutunun dissertantı Vüsal Hətəmov, Tarix Araşdırmalar Qrumunun üzvü Şahin Əliyev, Qarabağ döyüşlərinin iştirakçısı Tofiq Kərimov və kitabxananın oxucuları iştirak etdilər. Tədbiri kitabxananın müdiri Ofelya xanım açıq elan etdi. Azərbaycanın dövlət himni səsləndiriləndən sonra şəhidlərin ruhu 1 dəqiqəlik sükuta yad edildi. Tədbiri kitabxananın müdiri Ofelya xanım açıq elan edərək söylədi ki, 1988-ci il noyabrın 17-də Azərbaycan xalqının azadlıq səsini ucaldaraq, imperiyaya qarşı hamılıqla ayağa qalxması onun dirçəlişi yolunda dönüş nöqtəsi oldu. Azərbaycan xalqı uzun illər arzusunda olduğu müstəqilliyinə qovuşdu. Öz haqqı, azadlığı və torpaqlarına sahib çıxmaq istəyən xalqımız bu müqəddəs ideallar naminə birlik və bərabərliyini bir daha bütün dünyaya nümayiş etdirdi. Çıxış edən qonaqlar da mövzu ilə bağlı fikirlərini bölüşdülər. Qeyd olundu ki, Xalqın istiqlal mücadiləsinin əsas mərhələlərindən biri olan 17 noyabr – Milli Dirçəliş Günü Azərbaycanın müstəqilliyinin bərpa olunmasında tarixi rol oynamışdır. Hakimiyyətə gəlişi ilə xalqa sağlam ruh və özünüdərk gətirən ümummilli lider Heydər Əliyev sovet ideologiyasının sərt qadağalarına baxmayaraq milli mənəvi dəyərlərə, Azərbaycan elminin və mədəniyyətinin dirçəlişinə xüsusi önəm verdi. Bütün sahələrdə inkişaf və oyanış müşahidə olunmağa başladı. Azərbaycan əsil intibah və dirçəliş dövrünə qədəm qoydu. Məhz, ulu öndər Heydər Əliyevin təşəbbüsü ilə dünyanın müxtəlif ölkələrində təhsil alan milli ruhlu alimlər və ziyalılar ordusu yetişdi. Sonda məktəblilərinsulları cavablandırıldı, onların ifasında Dirçəliş gününə həsr olunmuş şeirləri dinlənildi.

Xəbərdən istifadə edərkən istinad etmək vacibdir.