«Azərikmya» İB-də  AFR-in Azərbaycandakı fövqəladə və səlahiyyətli səfiri
Mixael Kindsqrab ilə görüş keçirilmişdir
Yanvarın 31-də "Azərikimya” İstehsalat Birliyində Almaniya Federativ  Respublikasının Azərbaycandakı fövqəladə və səlahiyyətli səfiri Mixael Kindsqrab ilə görüş keçirilmişdir.
Qonağı səmimi salamlayan, Almaniynın Azərbaycan üçün iqtisadi tərəfdaş və dost ölkə olduğunu, iki olkə arasında uzunmüddətli, səmərəli əməkdaşlığın mövcudluğunu, Almaniya şirkətlərinin SOCAR tərəfindən həyata keçirilən bir sıra beynəlxalq miqyaslı layihələrdə uğurla iştirak etdiyini vurğulan «Azərikimya» İstehsalat Birliyinin Müşahidə Şurasının sədri, Milli Məclisin deputatı Muxtar Babayev Azərbaycan neft-kimya sənayesinin inkişaf mərhələləri, "Azərikimya”nın istehsalat sahələrində aparılan yenidənqurma və modernizasiya işləri və perspektiv layihələr haqqında ətraflı məlumat vermişdir.  
İki ölkə arasında iqtisadi münasibətlərin genişləndirilməsi istiqamətində son vaxtlar atılan mühüm addımlardan danışılan görüşdə Almaniyanın UNIPER (EON) şirkətinin prezidenti Klaus Şehferin rəhbərlik etdiyi nümayəndə heyətinin Sumqayıta səfəri,  səfər çərçivəsində SOCAR və UNIPER (EON) şirkəti arasında enerji və buxar istehsalı sahəsində fəaliyyət göstərəcək birgə müəssisənin - "SOCAR-UNIPER” MMC-nin yaradılması haqqında imzalanan sazişə də toxunulmuşdur.  
Söhbət əsnasında Sumqayıtın Almanianın Lüdviqshafen şəhəri ilə qardaşlaşmış şəhər olduğu, bu il bu dostluğun 40 yaşı tamam olacağı və bu düstluğun göstəricisi olaraq şəhərdə Lüdviqshafen adlı gözəl bir parkın salındığı səfirin diqqətinə çatdırılmışdır.
Səmimi qəbula görə minnətdarlığını bildirən səfir Mixael Kindsqrab ölkələrimiz arasında ikitərəfli münasibətlərin müxtəlif istiqamətlərdə, o cümlədən siyasi, iqtisadi, humanitar sahələrdə dinamik şəkildə inkişaf etdiyini vurğulamış, Almaniya hökumətinin Azərbaycanla dost münasibətlərini daha da inkişaf etdirmək istədiyini, iqtisadiyyata, o cümlədən neft-qaz və kimya sektoruna xüsusi önəm verdiyini qeyd etmiş, bu əməkdaşlıqların Azərbaycan-Almaniya münasibətlərinin inkişafına yeni töhfə verəcəyinə əminliyini bildirmişdir.
Sumqayıt Kimya Sənaye Parkı, Karbamid zavodu və SOCAR-Polymer MMC haqqında da söhbər aparılan görüşdə Kimya Sənaye Parkında müxtəlif sənaye məhsullarının istehsal olunacağı onlarla kiçik və özəl kimya müəssisələrinin yaradılmasında Almaniyanın şirkət və firmalarının, ayrı-ayrı iş adamlarının öz investiysiyaları, mütərəqqi texnologiyaları, müasir avadanlıqları ilə iştirakının arzuedilən olduğu diqqətə çatdırılmışdır. 
 
 

Xəbərdən istifadə edərkən istinad etmək vacibdir.