Sumqayıt şəhərinin Yahya Məmmədov küçəsində qeyri-qanuni fəaliyyət göstərən metal əritmə sexləri insanların narahatlığına səbəb olub.
Yaxınlıqda məskunlaşan sakinlər sexlərin tüstüsündən təmiz havaya həsrət qalıblar. Sakinlər deyir ki, havanın zəhərli maddələrlə çirkləndirilməsi səhər və axşam baş verir.
Sakinlər aidiyyatı qurumlara müraciət edib. Həmin küçədə 5 belə sex gündəlik işləyir. Bu müəssisələrdən münasibət almaq istəsək də, mümkün olmadı.
4 Saylı Ərazi Ekologiya və Təbbi Sərvətlər şöbəsindən bildirildi ki, sakinlərin haqlı şikayətləri nəzərə alınıb və bunun üçün Sumqayıt şəhər İcra Hakimiyyəti tərəfindən xüsusi komissiyada yaradılıb.
Ərazidə mövcud olan sexlərdən artıq birinin fəaliyyətinə xitam verilib, digərlərində araşdırmalar aparılır.
Material Niderland Krallığının Xarici İşlər Nazirliyi tərəfindən maliyyələşdirilən və Avrasiya Əməkdaşlıq Fondu tərəfindən həyata keçirilən "Azərbaycanda İnsan Haqları, Demokratikləşmə və Yaxşı İdarəetmənin Təşviqi” Proqramı çərçivəsində İnternyus-Servis Azərbaycan MMC tərəfindən reallaşdırılan "Ətraf mühit məsələlərinin gündəmə gətirilməsi: səfərbər edilmiş media və vətəndaş cəmiyyəti səyləri " adlı xidmət çərçivəsində reallaşan təlimdə müzakirə olunaraq hazırlanıb.
Xeberle.com
Xəbərdən istifadə edərkən istinad etmək vacibdir.
