Sumqayıtda Gənclər Təşkilatları hesabat verdi
Gənclər və İdman Baş İdarəsinin təşkilatçılığı ilə Gənclər Evində şəhərin müxtəlif sahələrində fəaliyyət göstərən gənclər təşkilatları ilə 2016-cı ilin yekunları və 2017-ci ildə qarşıda duran vəzifələrə dair görüş keçirilmişdir. Görüşdə təşkilatların fəal üzvləri də iştirak etmişlər.
Tədbiri giriş sözü ilə açan Baş İdarənin Gənclərlə iş sektorunun müdiri Ceyhun Hüseynov əsası Ümummilli Lider Heydər Əiyev tərəfindən qoyulan və Prezident cənab İlham Əliyev tərəfindən uğurla davam etdirilən dövlət gənclər siyasətinin şəhərimizdə də uğurla həyata keçirildiyini, İcra hakimiyyəti başçısının diqqət və qayğısı nəticəsində gənclərimizin şəhərin ictimai-siyasi, sosial-iqtisadi, və mədəni həyatında fəal iştirakının təmin olunduğunu qeyd etmiş, "2015-2025-ci illərdə Azərbaycan Gəncliyinin İnkişaf Strategiyası”na uyğun olaraq hər il olduğu kimi cari ildə də Baş İdarə tərəfindən gənclərin dinamik inkişafı məqsədilə həyata keçirilməsi nəzərdə tutulan tədbirlər planı haqqında ətraflı məlumat vermişdir. C.Hüseynov çıxışını davam edərək şəhərdə gənclərin təşkilatlanması üçün zəruri imkanların yaradıldığı, mövcud təşkilatların ümumi maraqlar əsasında birləşməsi, könüllülük prinsipi əsasında əlaqlərin möhkəmləndirilməsi, tələbələrin ictimai həyatda fəallığının artırılması, problemlərinin operativ həllinə nail olmaq üçün dövlət orqanları, qeyri-hökümət təşkilatlarla qarşılıqlı şəkildə fəaliyyətin gücləndirildiyini bildirmişdir.
Görüşdə Gənclər Təşkilatlarının nümayəndələri hesabat xarakterli çıxışlar edərək, təşkilatın fəaliyyəti, həyata keçirilmiş tədbirlər, maraq sahələrinə uyğun yaradılmış departament, klublar, təkliflərin öyrənilməsi məqsədi ilə keçirilən görüşlər, yeni təşəbbüslər haqqında məlumatlar vermişdir.
Xəbərdən istifadə edərkən istinad etmək vacibdir.
