Azərbaycan Respublikası Prezidenti yanında Qeyri-Hökümət Təşkilatlarına Dövlət Dəstəyi Şurası-nın maliyyə dəstəyi ilə "Qadın Təşəbbüsü və Sosial Problemlərin Həllinə Yardım” İçtimai Birliyi aprel ayının 15-dən "Insan alverinin potensial qurbanlarının maarifləndirilməsi və onlara sosial xidmətlərin təşkili, insan alveri ilə mübarizə sahəsində çalışacaq mütəxəssislərin hazırlanması.” layihəsinin icrasına başlayacaqdır.
Layihənin əsas məqsəd və vəzifəsi risk qrpuna daxil olan şəxslərə, insan alverinin qurbanı olmuş qadınlara hüquqi, psixoloji, tibbi və digər xidmətlər göstərmək, insan alverinin potensial qurbanlarını maarifləndirmək,insan alverinə qarşı mübarizə sahəsində çalışacaq yeni mütəxəssislərin yetişdirilməsi,regionda insan alveri ilə bağlı məlumatları toplamaq, araşdırmaq, Regionlarda insan alverinə qarşı mübarizə aparan QHT-lərin, hüquqşünasların sayının artırmasını və peşəkarlığının inkişafına yardım göstərmək, onlar arasında əməkdaşlığı və məlumat mübadiləsini gücləndirməkdir.
Bu məqsədə nail olmaq üçün Mərkəzdə fərdi-psixoloji konsultasiya, sosial-hüquqi xidmətlər təşkil olunacaq. Qurbanların sığınacaq və müvvəqəti yaşayış yeri ilə təmin olunmaları, müəyyən ixtisasa yiyələnmə və işlə təmin olunma sahəsində yardımlar göstəriləcəkdir.
Layihə dövründə əhalinin müxtəlif qrupları arasında sorğular keçiriləcəkdir. Bu sorğular insan alverinin, xüsusi ilə də qadın alverinin mövcudluğuna şərait yaradan hüquqi, sosial və iqtisadi amillərin öyrənilməsinə, bu amillərin aradan qaldırılması yollarının müəyyən edilməsinə yönələcəkdir. Sorğuların nəticələri ümumiləşdirilərək müvafiq qurumlara göndəriləcəkdir.
insan hüquqlarının müdafiəsi sahəsində çalışan qurumların nümayəndələri, praktik hüquqşünaslar, vəkillər, psixloqlar (əsasən məktəb psixoloqları), jurnalistlər üçün xüsusi təlimlərin təşkil edilməsini nəzərdə tutulur. Bu tədbirlərdə müvafiq dövlət orqanlarının, içtimai təşkilatların, mediyanın nümayəndələri iştirak edəcəklər. Tədbirlərdə insan hüquqlarının müdafiəsi sahəsində çalışan qurumların nümayəndələri, praktik hüquqşünaslar, vəkillər iştirak edəcəklər. Təlimlər zamanı qadınlara münasibətdə ayrı-seçkiliyə, zorakılıq hallarına qarşı mübarizənin insan hüquqlarının müdafiəsi aspektində təşkilinin xüsusiyyətləri, forma və metodları tədris olunacaqdır.
Ünvan: Sumqayıt şəh. N.Nərimanov küç. 1-ci mikr, bina 45d.
Telefon: (050) 680 22 22, (050) 300 87 88
Etimad telefonu (018) 642 48 27
Xəbərdən istifadə edərkən istinad etmək vacibdir.
