Hər il aprel ayının 22-siÜmumdünya "Torpaq günü” kimi qeyd olunur. Dünyanın müxtəlif ölkələrində, müxtəlif səviyylərdə maraqlı tədbirlər keçirilir. Həmin tədbirlər öz rəngarəngliyi və mövzu əhatəsi ilə seçilir. Təbiət, ətraf mühit, yeraltı və yerüstü milli sərvətlər haqqında məlumat verilir, iməciliklər keçirilir, abadlıq işləri aparılır.

"Torpaq günü” Sumqayıt şəhər 11 N-li orta məktəbdə də maraqlı keçirilmişdir. Tədbirin təşəbbüskarı Azərbaycan "Humanizm pedaqogikası” mərkəzinin bu məktəbdə fəaliyyət göstərən "Humanizm pedaqogikası” laborotoriyası, onun rəhbəri Fəridə Şirinova olmuşdur.
"Torpaq günü”nə əvvəlcədən hazırlıq görülmüş, tədbirlər planı işlənib hazırlanmışdır. Məktəbin müəllim və şagird heyəti böyük həvəslə iməcilik keçirmişlər. Siniflər və otaqlar səliqəyə salınmış, məktəbyanı yaşıllıqlara qulluq göstərilmiş, 100-ə yaxın ağac əkilmişdir.
Nərmin Məmmədova.

Xəbərdən istifadə edərkən istinad etmək vacibdir.