Bildiyimiz kimi dünən  axşam saatlarından Sumqayıtın bir çox ərazilərinin su ilə təminatında  ciddi problemlər yaranıb.Buna səbəb Sumqayıtın bir hissəsini su ilə təmin edən magistral su kəmərinin 10-cu mikrorayon ərazisindən keçən hissəsində qəzanın baş verməsi olub.Qəza nəticəsində  Sumqayıtın Babək küçəsinin bir hissəsi, habelə Üzeyir Hacıbəyov küçəsi su altında qalıb. Su axını Sumqayıt Cümə Məscidinə qədər davam edib. Bununla da piyada və avtomobillərin hərəkətinə çətinliklər yaranıb. Hazırda ərazidə nəqliyyatın hərəkətinə heç bir problem yoxdur. Amma şəhərin müəyyən hissəsinə su hələ də verilmir. Sumqayıt Su-Kanal İdarəsinin rəisi Darvin Hüseynov xeberle.com-a verdiyi açıqlamada qəza olduğunu təsdiqləyərək bildirdi ki: Dünən baş vermiş qəza nəticəsində Sumqayıtın təxminən 30 faiz ərazisinə su təminatı ilə bağlı problem yaranıb. Hal hazırda idarənin mütəxəssisləri qəza baş verən ərazidədirlər. Problemin aradan qaldırılması üçün müəyyən vaxt tələb olunur. Axşama qədər Sumqayıt şəhərinə suyun verilməsində heç bir problem olmayacaq.

Xəbərdən istifadə edərkən istinad etmək vacibdir.