Sumqayıt Gənclər Evində şəhər Gənclər və İdman Baş İdarəsinin və "İB” Klubun birgə təşkilatçılığı ilə Gənc sahibkarların Sumqayıt Forumu keçirilmişdir. Gənc sahibkarlara dəstək və bizneslə məşğul olmaq iddiasında olan gənclərə bu sahədə lazımi biliklərin verilməsi məqsədilə keçirilən Forumda Bakı və Sumqayıt şəhərlərinin müxtəlif sahələrini təmsil edən gənclər iştirak etmişlər.
Spikerlər Elvin Dadaşov, Kənan Hüseynli, Erkin Zeynallı və Rasif Dünyamalıyev Forum iştirakçılarına sahibkarlığa gedən yol, öz biznesini necə qurmalı, uğurlu biznesin sirrləri barədə biliklər vermiş, biznes sahəsindəki təcrübələrinə əsaslanaraq öz tövsiyələrini bildirmiş və onları maraqlandıran sualları cavablandırmışlar.

 

 

 

 

 

Xəbərdən istifadə edərkən istinad etmək vacibdir.