"Potensial” Sumqayıt Mütəxəssislər Birliyi Azərbaycan Respublikası Prezidenti yanında Qeyri-Hökumət Təşkilatlarına Dövlət Dəstəyi Şurasının dəstəyi ilə icra etdiyi "Sumqayıt şəhərinin orta ümumtəhsil məktəblərində ekoloji təhsil və maarifləndirmə tədbirlərin təşkili” layihəsi çərçivəsində ekoloji təhsil və maarifləndirmə ilə bağlı "açıq dərs”tədbirlərində iştirak etmiş hər məktəbdən 5 nəfər olmaqla intellektual oyunda iştirak üçün seçilib. Layihə çərçivəsində ekoloji təhsil və maarifləndirmə ilə bağlı keçirilmiş açıq dərslərdən seçilmiş 20 nəfər arasında intellektual oyun "Potensial” Sumqayıt Mütəxəssislər Birliyinin konfrans zalında keçirilmişdir. 5 nəfərdən ibarət 4 qrup arasında ekoloji bilik yarışı aparılıb. Ekoloji biliklərin qiymətləndirilməsi üçün iştirakçılara çoxlu sayda ekoloji mövzuda suallar təqdim olunub. İntellektual oyunun sonunda ən çox bal toplayan 30 saylı Sumqayıt şəhər orta məktəbi I yer, 28 saylı məktəb II yer, 21 saylı məktəb III yer və 24 saylı məktəb fərqlənənlər sırasında olublar. Sonda qalib olan komanda qiymətli mükafatla qalan komandalar müvafiq yerlərə uyğun medallar və fəxri fərmanlarla təltif olunublar. Sonda Birliyin sədri Sahib Fərzəliyev qalibləri təbrik edib və onlara gələcək işlərində uğurlar diləyib.