Daxili İşlər Nazirliyinin Baş İctimai Təhlükəsizlik İdarəsinin o, cümlədən Ekologiya və Təbii Sərvətlər Nazirliyinin əməkdaşları Sumqayıtda məişət tullantılarının kənar yerlərə atılması və zibillənməsi hallarının qarşısının alınması məqsədi ilə reyd keçirib.

 Xeberle.com-un məlumatına görə, reyddə zibillərin yandırılması zamanı ətraf mühitin mühafizə tələblərinə əməl etməyən şəxslər inzibati məsuliyyətə cəlb olunub. 4 saylı Ərazi Ekologiya va Təbii Sərvətlər Şöbəsinin əməkdaşı Rafiq Quliyev Xeberle.com-a bildirib ki, Sumqayıt şəhəri ərazisində keçirilən reyd zamanı, şəhərin 53-cü məhəllə ərazisində "İSCO” Qapalı Səhmdar Cəmiyyəyətinə məxsus olan ticarət obyektinin ətrafındakı təxminən 3 hektar ərazidə məişət, digər və müxtəlif tərkibli tullantıların pərakəndə halında qalaqlanması halı müəyyən edilib. Qanunun tələblərini pozan müəssisənin 5000 manatdan 7500 manata kimi cərimə edilməsi nəzərdə tutulur. Eyni zamanda, mövcud çatışmazlıqların aradan qaldırılması barədə həmin təşkilata məcburi göstərişlər verilib. Şəhər ərazisində bu kimi tədbirlərin mütəmadi həyata keçirilməsi nəzərdə tutulub.