Əvvəllər bu marşrutun hərəkət trayektoriyası 13-cü mikrorayondan keçərək Corat qəsəbəsinin daxili yolları ilə Sahil küçəsi boyunca 2 saylı şəhər xəstəxanası istiqamətində idi. İndi isə marşrut avtobusları Coratdan keçmir.

Xeberle.com-un elektron poçtuna şəhər sakini Ülviyyə Abdullayevanın da ünvanladığı şikayət məktubu da bir daha bu məsələnin sakinləri narahat etdiyini deyir. 

Məktubu olduğu kimi təqdim edirik:

"Xahiş edirəm bunu ictimailəşdirin! Bunu bütün Corat qəsəbəsinin əhalisi narazı və narahatdır. Deməli, 2 nömrəli marşrut xətti dəyişilib və bu insanların narazılığına səbəb olsa da, bunu nəzərə alan yoxdur. Məsələn, Corat qəsəbəsində market çox azdır deyə qiymətlər də bahadır, bu səbəbdən bura əhalisi bu marşrutla 17-ci mikrorayondakı marketlərə üz tuturdu, xəttin dəyişilməsi səbəbindən daha ora gedə bilmirlər, bundan istifadə edən qəsəbə içi mini-marketlər qiymətləri daha da artırıb, bu bir. İkincisi, bu marşrut 7 nömrəli məktəbin qarşısından keçirdi əvvəl, indi isə keçmir, qarşıdan məktəb mövsümü gəlir, məktəblilərin aqibəti necə olacaq?! Yenə böyük uşaqlar özləri gedir, bəs kiçiklər?! Bu xəttin dəyişməsi çox problemlər yaradıb bura əhalisi üçün, sadəcə olaraq mən ikisini misal gətirdim. Çox xahiş edirəm, bunu ictimailəşdirin, marşrut öz əvvəlki xəttinə qaytarılsın. Öncədən təşəkkürlər!”

Xatırladaq ki, Sumqayıt şəhər 2 saylı şəhər xəstəxanasının işçiləri də yolun dəyişdirilməsi ilə bağlı narazılıq ediblər.

Qeyd edək ki, Sumqayıt Avtomobil Nəqliyyatı ilə Sərnişindaşıma İdarəsindən isə bir müddət əvvəl mətbuata verilən açıqlamada bildirilib ki, 2 saylı marşrutun hərəkət istiqamətinin dəyişməsi nəqliyyat sistemidə aparılan islahatlarla bağlıdır.

Xeberle.com