Bu gün Bakı-Sumqayıt qatarında problem yaşanıb. Bu barədə Xeberle.com-a sözügedən istiqamətdə hərəkət edən qatarın sərnişinləri məlumat veriblər. Belə ki, Sumqayıtdan hərəkət edən qatar 10:20-də 28 May Stansiyasına çatmalı olsa da, 10:17-də, yəni stansiyaya çatmasına 3 dəqiqə qalmış o, texniki nasazlıq ucbatından dayanıb və 43 dəqiqə sonra, 11:00-da 28 May Stansiyasına daxil olub. Sakinlərin sözlərinə görə, son 7 gün ərzində dəfələrlə bu problemlə qarşılaşıblar. Məsələ ilə bağlı "Azərbaycan Dəmir Yolları” Qapalı Səhmdar Cəmiyyətinin İctimaiyyətlə Əlaqələr Şöbəsinin rəisi Sevinc Qədirova ilə əlaqə saxladıq. Sevinc Qədirova bildirdi ki, təmas şəbəkəsində gərginlik müvəqqəti olmadığına görə Sumqayıt-Bakı elektrik qatarının mənzil başına çatmasında gecikmə baş versə də, qısa müddətdə nasazlıq aradan qaldırılıb.