Neçə müddətdir ki, hər axşam mütəmadi olaraq Sumqayıt şəhərini bürüyən tüstü qoxusunun səbəbləri barədə Sumqayıt şəhər İcra Hakimiyyəti açıqlama verib.

 

Xeberle.com Modern.az-a istinadən məlumat verir ki, İcra Hakimiyyəti pis qoxuya səbəb kimi zibil poliqonunda tullantıların yandırılmasının olmadığını bildirib: "Sumqayıtın Xəzər bağları yaşayış massivinin aşağı hissəsində - dənizkənarının yaxınlığında 10 hektara yaxın qamışlıq ərazidə yanğın baş verməsi olub. Ərazidə qamış köklərinin tüstüləyən hissələrini tamamilə söndürmək üçün Sumqayıt şəhər Yanğından Mühafizə qarnizonunun texnika və canlı qüvvəsi, habelə Sumqayıt şəhət İcra Hakimiyyətinin ağır texnikası cəlb edilib. Hazırda isə şəhər ərazisində pis qoxu hiss edilmir. Zibil poliqonun ləğv edilməsi və orada emaledici qurğunun tikilməsi istiqamətində məsələyə gəlincə isə bu istiqamətdə Sumqayıt şəhər İcra Hakimiyyətində müvafiq tədbirlər görülür. Artıq bir aydır ki, bu istiqamətdə işlər aparılır”.