"Elə oldu ki, mən oğlumla birlikdə hazırlaşaraq qəbul imtahanı verdim və hər ikimiz universitetə qəbul olunduq”
Xeberle.comolaraq Sumqayıt ziyalıları ilə müsahibələrə davam edirik. Budəfəki həmsöhbətimiz Azərbaycan Respublikası Prezidentinin "Tərəqqi” medalı laureatı, "Tərəqqi” SİAİB-ın sədri, QHT Dövlət Dəstəyi Şurasının "Şuşaya Azadlıq” və "Xocalıya ədalət” kompaniyasının təşkilat komitəsinin üzvü, Dövlət idarələri və İXİ həmkərlar təşkilatının sədr müavini, Milli Məclisin eksperti, Karate – Şotokan federasiyası Sumqayıt şəhər şöbəsinin vitse-prezidenti, Sumqayıt şəhər bələdiyyə məhəllə komitəsinin sədri, Azərbaycan Respublikası Beynəlxalq Humanitar yardım komissiyasının üzvü, 2-ci dərəcəli dövlət qulluqçusu İndira Şəmsivaridir. İndira xanım ilə onun həyat və fəaliyyəti barədə söhbətləşdik.
-İndira xanım, söhbətə adınız barədə sual verməklə başlamaq istərdim. Adınızın mənası nədir? Olubmu ki, xarici ölkələrdə adınıza görə, sizi hindistanlı hesab etsinlər?
-Bəli, çox konfranslarda, qurultaylarda xarici nümayəndələr yaxamda İndira adını gördükləri zaman mənə yaxınlaşaraq soruşublar ki, siz Hindistandansınız?! Demişəm ki, yox. 60-cı illərdə SSRİ – Hindistan münasibətləri  çox məşhur idi. O vaxtlar, biz azərbaycanlılar İndira Qandini və hind kinolarını çox sevirdik. Buna görə də atam mənim adımı İndira qoyub.
-Bidiyimizə görə, oğlunuzla birlikdə ali məktəbə hazırlaşaraq ikinci təhsilinizi almısınız. Necə oldu ki, belə bir qərar verdiniz?
-2 dəfə deputatlığa namizəd olmusunuz. Növbəti seçkilərdə namizədliyinizi irəli sürmək fikriniz varmı?
-İndira xanım, sizi cəmiyyət üçün yararlı bir çox sosial layihənin icraçısı kimi tanıyırıq. Bəs bu yaxınlarda tərəfinizdən yeni bir layihənin həyata keçirilməsi gözlənilirmi?
-Bəli, mənim layihəm ölkəmizin 60 regionunda, cənab Prezidentin milli fəaliyyət proqramı olan "Açıq Hökumət”in təşviqini  sadə dildə xalqa çatdırmaqdır. Bundan əlavə bir çox layihəm də var, hansı ki, həmin layihələrin maliyyəçisi özüməm. Həmişə hamıya kömək etməyə çalışmışam.
-Sumqayıtın ilk müfəttiş qadını kimi İndira xanım  hansı çətinliklərlə mübarizə aparmalı olub? Bu illər ərzində hansı maraqlı və çətin hadisələrlə qarşılaşmısınız?
-1982-ci ilin 16 mart tarixindən etibarən dövlət qulluğunda çalışıram. Həmkarlarımdan mənə işi öyrədən, çox kömək edənlər oldu. İlk yoxlamam hələ də yadımdadır. Getdim yoxlamaya, bir kişi müfəttiş  vərəqə baxır və nə isə yazır, mən baxıram, amma heç nə tapmıram. Buna görə də ağladım və həmin vaxt ilk müffəttiş Süleyman müəllim mənə dedi ki, hələ çox şeylər görəcəksən, darıxma, təlimatları oxu! Daha sonra elə oldu ki, mən hər vərəqi açanda orada bir fakt gördüm, artıq şəhərin bütün idarə və təşkilatlarında tanınmağa başladım, hamı deyirdi ki, müfəttiş İndira gəlib. İşlədiyim bu illər ərzində çox çətinliklər görmüşəm. Adını çəkməyəcəm, bir dəfə böyük bir müəssisəyə təftişə getmişdim. Yanacaq sürtkü materiallarını yoxlayırdım, gördüm ki, qarajda yeyinti var. Bunu qaralamaya yazıb qapıdan çıxmaq istəyirdim ki, mənə təzyiq elədilər, incitdilər. Təbii ki, çox qorxdum. Gəlib xəstəliklə bağlı üç günlük bülleten götürdüm, amma əlbəttə ki, qaralamanı  rəhbərimə çatdırdım. Mənim imzam olmadan, kişi cinsindən olan müfəttişin imzası ilə müəssisə barədə akt tərtib olundu və həmin şəxslər cəzalandırıldı.
 Yadımdadır ki, bir müəssisəyə yoxlamaya getmişdim, şirkətin rəhbəri xaricdə səfərdə idi. Baxdım ki, sənədlərində çatışmazlıq var. Baş mühasibə çatışmazlıqları yazdım verdim. Ola bilər ki, səhv eləmişəm, amma mənim əsas amalım və düşüncəm o idi ki, müfəttiş başkəsən deyil, o, səhvləri göstərmək və izah etmək üçün lazımdır. Çünki yeyinti başqa şeydir, mexaniki səhvlər başqa şey. Bəlkə də bu gün mənim ailəmin - qalamın xoşbəxtliyi Tanrıdan aldığım xeyir-duanın sayəsindədir.
-Əgər siz bu sualı mənə Zakir müəllim icra başçısı olmamışdan qabaq versəydiniz, mən çox şey sadalaya bilərdim. Amma indi nə isə deyə bilmirəm. Məsələn,  əvvəllər bizdə işsizlik çox idi, amma Zakir müəllim icra başçısı olandan sonra öz qabiliyyəti, zəkası sayəsində mənzil təsərrüfatında bir dəfəyə 5500 insan işlə təmin olundu. O gələndən sonra, 17500 işçi qüvvəsi şəhər təsərrüfatına işə cəlb olunub.
 Bu gün ulu öndər Heydər Əliyevin xalqımız üçün etdiklərini minlərlə alim yazsa belə bitirə bilməyəcəyi kimi, Zakir müəllimin də Sumqayıt üçün gördüyü işləri heç kim dana bilməz. Daxili imkanlar bütün icra başçılarının dövründə olub. Amma həmin imkanlar sayəsində bu parkları, binaları, gözəllikləri yaradan bir zəka, düha lazım idi. Buna da Zakir müəllim müvəffəq oldu.  

 

-Son olaraq nə demək istərdiniz?
-Sumqayıt şəhər Maliyə İdarəsinin 35 illik dövlət qulluqçusuyam, bir sistemdə 11 rəhbərlə işləmişəm, Sumqayıtın ilk müfəttiş qadını olmuşam.  Daim işimi elə qurmağa çalışmışam ki, adıma söz gəlməsin. Həmişə düşünürdüm ki, mən qadınam, mənim arxam - dayağım yoxdur. Ona görə də çalışırdım ki, bütün yoxlamalarda şəffaflığa riayət edim. Uzun müddət heç bir partiyanın üzvü olmasam da, 1995-ci ildənYAP-ın üzvü oldum. Bütün konfransların, qurultayların işitrakçısı olmaqla bərabər, çoxlu çıxışlar etdim və  çox sevdiyim insan, ulu öndər Heydər Əliyevlə əksər hallarda ünsiyyət qurmağa nail oldum. Hər qurultayda ümumilli lideri izləmək şərəfinə nail olmaq istəmişəm və buna nail olmuşam, bizim "Vışka” qəzetində şəklimiz də var. Bugünkü uğurlarımın hamısını ailəmə borcluyam. Bir qadın üçün siyasi fəaliyyətdən, vəzifədən öndə ailə durur. Əgər mənim ailəm, həyat yoldaşım arxamda durmasaydı, iki dəfə deputatlığa namizəd ola bilərdimmi?! Pərdəarxasında ailənin qüvvəsini hiss etmək siyasətdə olan bir qadın üçün çox böyük qürurdur.
Xeberle.com

 

 

 

 

 

Xəbərdən istifadə edərkən istinad etmək vacibdir.