Sumqayıt şəhər Çerkassi küçəsində yerləşən (11-ci mikrorayon) avtotəmir sexlərinin işçiləri elektrik xətlərinin qanunsuz kəsilməsi ilə bağlı şikayət ediblər. Onlar xeberlent.az-a bildiriblər ki, xəttin yenidən bərpası üçün Sumqayıt Elektrik Şəbəkəsi tərəfindən onlardan 150 AZN məbləğində pul tələb olunur.
Xeberle.com olaraq Sumqayıt Elektrik Şəbəkəsinin baş mühəndisi Arzuman İsmayılov ilə əlaqə saxladıq. A.İsmayılov bildirdi ki, xəttin bərpası üçün işçilərdən pul tələb olunmayıb: "Həmin ərazidə yerləşən elektrik naqilləri "Azərişıq"ın balansına daxil deyil. Biz işçilərə ərazidə yerləşən sexlərin elektrik naqillərinin çox yükləndiyini və yararsız olduğunu bildirdik. Onlara dedik ki, sadəcə həmin ərazi üçün lazım olan kabelləri alsınlar və biz də Sumqayıt Elektrik Şəbəkəsinin əməkdaşları təmənnasız olaraq naqilləri bərpa edəcəyik. İşçilərin hesabladıqları 150 AZN də yəqin ki, ərazi üçün lazım olan kabellərin məbləğidir. Mən bu barədə rəhbərliyə məlumat vermişəm. Oradakı işçilər sadəcə ərazidə yaşayan insanların çoxluğundan istifadə edərək səs-küy salıblar”
Elnarə Salamova
Xeberle.com
Xəbərdən istifadə edərkən istinad etmək vacibdir.
