Sovetlər dövründə SSRİ Xalq Komissarları Sovetinin 1-ci sədri Vladimir İliç Leninin şərəfinə ölkəmizin müxtəlif bölgələri ilə yanaşı, doğma şəhərimizdə də çoxsaylı küçələr adlandırılıb, heykəllər qoyulub və bir çox yerlər fəaliyyət göstərib.
Xeberle.com-un verdiyi məlumata görə, Sumqayıtın mərkəzi küçələrindən biri olan Azərbaycan prospekti (indiki Nizami küçəsi) 1991-ci ilə qədər Lenin küçəsi adlandırılıb. Sovet imperiyası dağıldıqdan sonra isə Azərbaycanda Leninə pərəstiş dayandırılıb, heykəllər yığışdırılıb, küçələr isə başqa adlarla əvəz olunub.
Maraqlı məqamlardan biri odur ki, Sumqayıtda Leninin yadigarı hələ də qalmaqdadır. Binanın üzərində olan Leninin şəkli həm sakinlərin, həm də şəhər qonaqlarının diqqətinə səbəb olub.
Qeyd edək ki, sözügedən şəkil şəhərin 5-ci mikrorayon ərazisində yerləşən 9/5 nömrəli binanın üzərindədir.
Hicranə İsmayılova
Xeberle.com
Xəbərdən istifadə edərkən istinad etmək vacibdir.
