Bu gün ermənilərin xalqımıza qarşı törətdikləri Xocalı soyqrımından 26 il ötür. Xeberle.com olaraq Xocalı və onun ətraf ərazilərindən köçkün düşərək hazırda Sumqayıt şəhərində məskunlaşan insanlar barədə məlumat əldə etməyə çalışdıq.
Qaçqınların və Köçkünlərin İşi üzrə Dövlət Komitəsinin Sumqayıt şəhər şöbəsindən verilən məlumata görə, hazırda şəhərimizdə Xocalı və onun ətraf kəndlərindən köçkün düşən 125 ailə, 484 nəfər yaşayır ki, onlardan 17 ailə şəhid ailəsidir.
Qeyd edək ki, 1992-ci ilin 26 fevral tarixində baş verən bu qanlı faciə zamanı 613 nəfər öldürülüb, 1000 nəfər müxtəlif yaşlı dinc sakin aldığı güllə yarasından əlil olub. 106 nəfər qadın, 63 azyaşlı uşaq, 70 qoca qətlə yetirilib. 8 ailə tamamilə məhv edilib, 25 uşaq hər iki valideynini, 130 uşaq isə valideynlərindən birini itirib. Faciə baş verən gecə 1275 nəfər dinc sakin əsir götürülüb ki, onlardan 150 nəfərin taleyi hələ də məlum deyil.
Elnarə Salamova
Xeberle.com
Xəbərdən istifadə edərkən istinad etmək vacibdir.
